掃呢頁CODE去手機

2013年12月13日 星期五

[忽然1周 959] 讀者票選視帝視后投票走勢 熱門,視帝視后,MW,




媽咪姐

讀者票選視帝視後投票走勢

多謝各位《忽周》讀者踴躍投票,十個獎項花落誰家雖然仍是未知之數,但經過一個禮拜投票之後,初步已經有走勢。而最估唔到竟然係魔童嘅《警界線》,單憑第一集,竟然成功鍊贏 TVB一眾劇集,排列第三,至於男主角智叔廖啟智,亦憑精采演技揮低 TVB一眾小生,同樣暫列第三。民意呢樣嘢有時真係估你唔到!離截止投票日期只有數天,大家快啲投票!

記住啦!要撐自己偶像請即登入網址http://sw.hk/vote投票啦!手機電腦均可登入

候選名單詳情,請登入網址

投票截止日期:至 2013年 12月 15日晚上 11時 59分止。

視帝走勢

Cool魔一出,冧盡《忽周》讀者,連日嚟都領先對手。會唔會由頭帶到尾,就要睇 Cool魔嘅韌力!

第一位 ChiLam領先

第二位子華緊貼

子華播緊嘅《 My盛 Lady》有時間優勢,既有主場之利又多師奶粉絲,暫時排第二。

第三位智叔黑馬

智叔竟然憑一集演技,撼贏 TVB小生,證明演技呢樣嘢,係重質唔重量。

視後走勢

視後方面,《巨輪》嘅田蕊妮不單止暫時領先,仲要最喜愛女角色都贏開巷,投票率已過半數,呢啲咪民意主導囉!

第一位阿田拋離

第二位嘉欣隨後

畢竟嘉欣 BB拍劇多年,儲落不少 fans,走勢唔會差得去邊。

第三位娥姐緊追

最佳劇集走勢

人多勢眾嘅《衝 II》,靚人、靚景再加兩個男主角嘅演技,暫時領先絕對係意料中事。

第一位《衝上雲霄 II》

第二位《 My盛 Lady》

呢排唔少人都趕返屋企開電視睇《 My盛 Lady》,套劇排第二,絕對要歸功俾子華。

第三位《警界線》

《警界線》竟然撼贏 TVB播足成年嘅劇集,暫時排第三,有沒有機會更上一層樓?睇民意嘞。

最厭惡電視藝人/最想熄電視節目

至於今年《忽周》新增設嘅「最厭惡電視藝人」同「最想熄電視節目」兩項提名, May姐眾望所歸包攬曬。

雖然雞汁 May遙遙領先,不過都唔可以忽視阿叻呢隻黑馬,照現時走勢睇,佢同雞汁 May相差只有 4%咋,乜都要認叻嘅佢,隨時有望超前。

我叫阿叻,點會輸啫!(設計對白)



鍾意就快D Share啦!