全城熱爆的娛樂八封新聞 & 時事趣聞 & 生活 + 趣聞
早幾日，《風暴》喺北京搞首映，呂麗君無出席，只見劉華拖實戲中契女陳沛妍，父愛爆棚。小沛妍賣曬口乖：「劉德華哥哥，又靚又專業！」𠱁到劉華鬼咁開心。
劉德華套新片《風暴》就嚟上映，警匪鬥智、槍戰大場面，仲有溫情戲，都幾啱媽咪姐貪心嘅口味。
唔係媽咪姐眼利，都真係幾難喺海報底個堆 credit度見到呂麗君個名。佢係聯合監製，即係有份俾錢投資，應該至少要俾成七位數㗎。
望望嚇劉華嗰張型仔海報，媽咪姐喺右下角聯合監製嗰欄，竟然發現咗「呂麗君」呢三個字！嘩，真係估佢唔到喎，現為北京政協，多多公職在身嘅大劉女友呂麗君，依家踩埋入電影界，投資拍戲？媽咪姐打過去負責發行嘅安樂電影公司求證，職員話負責製作嘅同事出咗 trip，未必覆到。神神秘秘咁，睇嚟呂麗君想低調投資，密密賺喎。
諗諗嚇，《風暴》係中港合拍片，難怪做緊政協嘅呂麗君，會有門路參與呢套由劉華擔綱嘅大片。
《風暴》另一主角林家棟喺台上都爭住同小沛妍祝酒，當然小沛妍嗰杯係果汁啦。
