2013年12月13日 星期五

[忽然1周 959] 劉璇終於嫁 MW,




本周日,唔多慣對鏡頭嘅王弢,初時喺郵輪上冇乜表情,好彩劉璿主動挨埋去俾老公錫錫。嘩!即時開心曬!

媽咪姐

劉璿終於嫁

璿美人劉璿同老公王弢終於喺香港補擺喜酒,正式嫁嘞!其實上年一月,佢哋喺美國拉斯維加斯已經即興註冊,不過璿美人掛住拍劇搵銀,一直未搞婚禮,直至上周六( 7日)先喺跑馬地馬會宴會廳宴請親朋,周日( 8日)就上雙魚星號開 wedding party,稍後就上北京搞大食會,招呼朋友。結婚要分開四次搞,劉璿呢位奧運金牌選手果然人面廣呀。

其他影片

不過新郎哥來頭都唔細,王弢係中國著名單簧管演奏家,又係中央音樂學院副教授,仲係足球老將王荿俊嘅獨生子。講開又講,劉璿同王弢拍拖十一年至結婚,直情係超級愛情馬拉松!好笑嘅係璿美人對老公嘅愛稱居然係「王老師」,跟老公班學生一樣咁叫法,而唔係叫老公。但王弢仲勁,嗌老婆做「領導」!一聽就知道邊個話事啦。禦夫有術,璿美人呢啲就真係美貌與智慧並重嘞!

擺酒當晚,有 fans特登帶埋禮物去馬會賀劉璿。璿美人即場派利是答謝,好識做!

近年主力拍劇嘅劉璿,連出嫁髮型都特別過人,特登黐假髮喺額頭,即刻變咗古典美人。

2000年悉尼奧運, 21歲嘅劉璿勇奪平衡木金牌。今昔對照,依家仲靚咗喎!

馬明算有心

馬明一樣因拍《女拳》而同劉璿做咗 friend,呢日特登買個靚靚信封袋住人情去飲,以佢咁慳嚟講,好有心嘞!

馬明算有心

前年同劉璿拍過《女拳》嘅陳法拉著黑裙到賀,一影相,居然透出白色 bra。搶新娘子鏡喎!

周六去完飲,法拉喺周日又出動去 Alcatel活動搵真銀。呢次走純情路線,都煞食喎!

其他影片


鍾意就快D Share啦!
Related Posts Plugin for WordPress, Blogger...