2014年1月30日 星期四

[忽然1周 966] 甄子丹片場發老脾 發哥暗寸:動作做唔到梗忟憎 子丹,周潤發,發哥,甄子丹,MW,




斜視藐嘴

周日( 26日)在港舉行首映禮,發哥多次背住甄子丹。被問到傳不和,發哥話:「佢唔敢當面話我,佢想死咩!」難怪冇聲出嘅丹爺忍唔住嘴藐藐。

滾熱辣

甄子丹片場發老脾 發哥暗寸:動作做唔到梗忟憎

賀歲 3D片《大鬧天宮》拍攝時,飾演主角孫悟空及武指的甄子丹因為力求完美,壓力爆煲,不時喺片場發老脾,狂噴工作人員。出名親民的周潤發曾經好言相勸甄子丹收火,豈料甄子丹唔領情繼續爆火。自此兩人冇偈傾,早前兩人在北京出席宣傳時更當眾針鋒相對,火藥味濃。

本刊追訪發哥,他向本刊直認甄子丹「脾氣臭」,仲話︰「動作做唔到梗忟憎」飾演玉帝嘅發哥,似乎有心出手整治下呢隻馬騮!

其他影片
  • 發哥 3月搬上 2億半山

周潤發在賀歲片《大鬧天宮》和「馬騮精」甄子丹不但多對手戲,戲外兩人亦連番交鋒。早前在北京出席《大鬧天宮》記者會,發哥忽然話︰「希望甄子丹拍完這部電影後,脾氣可以好一點……」寸爆「宇宙最強」愛發老脾。

甄子丹亦即場還擊︰「發哥這麼貴,他的鏡頭很珍貴,拍起來要格外注意。尤其發嫂在旁邊,不僅現場工作人員配合不能出錯,發哥走出來的樣子還要很帥。」反寸發哥人工高又多要求,更燒埋發嫂嗰疊,火藥味濃。

黑面回應

上周六( 25日),本刊向發哥詢問與甄子丹不和一事,發哥即時收起招牌笑容,仲繑起雙手,話:「子丹咁辛苦,又要幾個鐘化妝,係易忟憎!」

回復笑容

回應完不和事件之後,發哥沿途遇上不少 fans要求合照。發哥來者不拒,仲擺出招牌笑容玩自拍。

發哥早睡早起,注重養生的他,日常愛由九龍塘住宅沿窩打老道步行至佐敦通淋巴。而他亦不時行山,樂於和行山客合照。

發哥按組拍

其實兩人不咬弦,全因原則問題。發哥片酬一向逐部計,不過今次為了和甄子丹合作,亦不介意將片酬「斬件」,拍一組收一組錢,變相減收片酬。不過發哥有一個要求,就是每組戲只可以拍 8小時。

身兼主角及武指的甄子丹,不時要臨場度對打戲,但《大鬧天宮》是 3D片,拍攝時現場以「全藍幕」代替真實背景,以便加入電腦效果。甄子丹要面對空氣度位,難度更大,經常要度五、六個鐘才度好。很多時發哥呆等甄子丹大半日至拍攝,拍得兩、三粒鐘就輪到發哥夠鐘收工,進度因此拖慢。

「子丹私下都有微言,覺得發哥俾唔夠時間。但人哋準時到場,加上又係國際巨星,子丹惟有穀住度氣,咪轉移向工作人員同武師發炮囉,搞到片場氣氛勁緊張。」

城城彈開

城城冇開口寸過丹爺,不過首映當晚佢同丹爺亦冇兩句,各有各 chok兼企到離行離列。

拍攝《大鬧天宮》時,由於《大》是 3D片,現場以「全藍幕」代替真實背景,甄子丹要面對空氣度位,難度更大,令他更添壓力。

明寸丹爺

去年 12月在北京宣傳《大鬧天宮》時,發哥話:「希望甄子丹拍完這部電影後,脾氣可以好一點。」明寸甄子丹片場唔好老脾,甄子丹即時黑面,更反寸發哥片酬貴。《蘋果日報》圖片

《大鬧天宮》星光熠熠,除了發哥飾演玉帝,仲有何潤東飾演二郎神、陳喬恩飾演鐵扇公主、陳慧琳飾演觀音。

和事老遭冷待

甄子丹飾演孫悟空,動輒要花五小時化妝,化妝後又不能飲水及進食,甄子丹承受雙重壓力,片場躁爆。「子丹試過度極都度唔掂場埋身對打戲,導演鄭保瑞見佢開始躁,咪改拍威吔戲先囉。發哥見子丹鬧武師鬧得好狠,試過好聲好氣勸佢收火,點知子丹唔領情,轉頭仲大聲繼續鬧。發哥 EQ高冇再出聲,但自此同子丹都冇乜兩句。」知情者說。

甄子丹自《特殊身份》後,票房不如從前,為守內地億萬票房的位置,故對《大鬧天宮》精益求精。「子丹接呢套戲時都係收老闆王海峰舊價,演員連武指兩職合共都係收二千五百萬。佢本身收開三千萬,咁都肯接,睇得出佢對《大鬧天宮》好大期望。不過老闆王海峰都覺得子丹貴,嚟緊雖然打算拍續集,可能飛起子丹。」

上周六( 25日)早上十一時,發哥為治療肩部舊患,如常到佐敦踩背通淋巴。談到甄子丹片場發老脾,發哥收起笑容,嚴肅地說:「子丹要幾個鐘化妝、黐曬毛易忟憎,做唔到啲動作,動作做唔到梗忟憎!」問到有冇牽連佢,發哥嘴角一翹說︰「佢對我都唔知幾好呀!(你哋片場鬧不和?)黐線,大人大姐搞啲咁嘅嘢!」發哥笑住嚟寸甄子丹,但又踢爆佢躁底,認真鬼馬。

問番甄子丹,佢直認拍攝時要「壓場」:「發哥同城城都要吊威也,我壓力都好大。對住武師唔會好斯文,我都要壓場!發哥鍾意講笑啫,多謝發哥塞錢落我袋啦!」

飾演牛魔王的郭富城,接《大鬧天宮》亦事先聲明「唔可以俾甄子丹㩒住打」,所以牛魔王同孫悟空的打鬥場面不多。

趙文卓鬧戲霸

拍電影《特殊身份》時,甄子丹暗指趙文卓扮大牌,而趙文卓就反指甄子丹是「戲霸」,更在內地傳媒訪問時直指甄子丹逼他辭演。後來甄子丹發聲明指趙文卓誹謗。

3月搬新屋

發哥農曆年有兩部賀歲電影上映,搵埋唔少。為了慰勞發哥,發嫂用半年時間將市值 2億的加列山道陽光花園別墅重新裝修,裝修費達千萬。據悉發哥三月就會入住新居,由九龍塘搬過港島區山頂。

回應就快搬新居,發哥回復談笑風生本色︰「你又知?你入過去呀?唔知㗎,價好賣鬼咗佢都唔定。(你之前買落啲樓升好多喎!)唏!唔好講呢啲!(搬過海會唔會唔習慣呀?你日日行呢條路?)咪又係咁行!(你同霆鋒拍戲時,佢係咪好 chok?)佢個角色係要 chok!(霆鋒跟你學嘢?)我同佢學嘢就真。」

答完記者,發哥繼續徒步返家,沿途又發揮親善大使精神,同 fans合照兼吹水。發哥咁襟撈,丹爺真係要學!

本月初本刊問發哥搬新屋一事,當時發哥四萬咁口,和上周六被問及與甄子丹不和時,完全兩個樣。

自己打自己

發哥農曆年有《賭城風雲》及《大鬧天宮》兩套賀歲片。在《賭》中發哥飾演退休賭城顧問,為救愛女童菲,被逼帶住一心拜師的謝霆鋒重出江湖。

多年來發哥發嫂感情甚好,發哥擁有的五億物業,統統是和發嫂共同持有。財政大權在發嫂手,難怪發哥早前笑言自己是窮人。

5億 4物業

多年來,發哥都愛買樓保值,而且都是長揸居多。發哥的物業雖然只有五個,但由於多屬優質樓盤,加上購買逾十年,所以現今升值數倍。

新居趕裝修

發哥陽光花園新居(紅圈)位於山頂加列山道,據悉已經裝修差不多半年。近日見到該獨立屋車房有不少建材,估計裝修工程正進行得如火如荼。

其他影片
  • 發哥 3月搬上 2億半山


鍾意就快D Share啦!
Related Posts Plugin for WordPress, Blogger...