掃呢頁CODE去手機

2014年1月2日 星期四

[壹週刊 1243] 傳榮文蔚離婚 阮偉文搬屋過新生活 M1,




阮偉文上週六在舊居泊完車徒步回新居,記者向他求證榮文蔚是否已搬走?他說:「你自己問番佢。」

名人私生活

傳榮文蔚離婚 阮偉文搬屋過新生活

自從爆出榮文蔚攞老公阮偉文給她的附屬黑卡,給公屋男模顧志雅冒簽搞出大頭佛後,男模固然入獄三年,但兩公婆關係亦凍過水,近月社交界更盛傳二人搞緊離婚,女的已搬離愛巢返淺水灣娘家暫住。

記者連月來在他們的堅尼地道愛巢守候,只見阮偉文孖住兒子出入居多,未見女方出現,上週阮偉文更搬家到堅尼地道另一幢大廈與兒子過新生活,可見夫妻關係真箇岌岌可危。

榮文蔚口窒窒回應記者:「係啦,出面講……我哋不嬲好好。」

二○一二年六月,榮文蔚報警指男模顧志雅盜用她的信用咭,從而爆出二人的曖昧關係。

天機公關去年五月的廿五周年晚宴,創辦人之一 Andrew未有現身,榮文蔚就刻意自爆:「身上嘅 Chanel裙,係廿年前首次同老公去 ball著。」

Andrew決定分開後,即使與 Yvette同場出席活動亦前後腳到避合照,上月初 Chantecler開幕,場內有嘉賓不知情,拉埋二人與 Pansy一齊影相。

帶子洪郎

阮偉文( Andrew)及榮文蔚( Yvette)位於堅尼地道、共同生活十七年的怡盧正進行外牆維修,聖誕期間有搬屋工人把近廿箱寫上「 A Yuen」的紙箱搬走,據知情人爆料,阮偉文趁住大廈翻新,索性搬走將舊居裝修,與老婆撇清,同十一歲兒子展開新生活,「 Yvette唔想分開,成日乘機話見個仔就返去, Andrew覺得既然已經搞緊離婚,就硬起心腸,唔俾 Yvette入屋。」

眾所周知,阮偉文對兒子疼愛有加,多年來都是由他主力照顧,兒子出門補習都是他或司機管接送,身為母親的榮文蔚從未見現身,即使冬至前夕,都只見父子倆在金鐘太古廣場的 Cova撐枱腳,「 Andrew係個好男人,佢好錫個仔,又遷就 Yvette,知她喜歡交際,早年就將自己同 Pansy(何超瓊)夾份的天機(公關公司)自己嗰份股俾咗老婆,就算佢去蒲都隻眼開隻眼閉。」知情

者說。

獨自湊仔

Andrew每逢週末都接仔放學敍天倫,上月冬至前一日,他父子倆就去金鐘 Cova下午茶。

落手搬屋

聖誕當日, Andrew親手將一座雀仔擺設,由舊居拎去新居。

搬運工人將寫著 A Yuen的紙箱搬到阮偉文的新居,當中不見有榮文蔚的物品。

舊居自上月開始搭棚維修,阮偉文就趁聖誕期間搬屋。

玩出禍

不過榮文蔚終於玩出禍,自從前年顧志雅事件爆出,二人婚姻關係急轉直下,知情者說:「 Andrew點會不知她出面玩?但以前始終只係話緋聞,今次上曬報紙,有證有據, Andrew父母覺得羞家,所以俾壓力個仔,而 Andrew亦自覺到了底線,所以今年中提出分手。」據知天機公關舉行廿五周年晚宴,身為前股東的 Andrew卻甩底,避開企圖力挽二人關係的太太,而當晚榮文蔚在台上致辭,提及老公時亦感觸至眼泛淚光,「今日老公飛咗唔可以陪我……」此時在旁的何超瓊便拍她膊頭以示安慰。

但紙包不住火,社交圈其後已傳出二人分開的消息,前兩個月, Andrew更親口向朋友承認正在辦離婚,而記者就此事求證阮偉文,他雖然表現不耐煩,但仍有禮貌地說:「唔想答你哋,私人嘢唔需要答。」反而榮文蔚一聽到離婚二字即時不知所措,驚驚青青的說:「唔好講我哋,呢啲真係唔……我哋唔好講私人嘢。」



鍾意就快D Share啦!