撞到珍姐（箭嘴），兩個攬住行傾咗幾句。
同你吟一吟
張學友為阿梅做足防備
為今個星期一（三十日）舉行嘅「梅艷芳• 10•思念，音樂•會」碌爆人情咭嘅張學友，上星期五（二十七日）特別唧出兩個鐘時間，去咗銅鑼灣霆鋒間後期製作公司 Post Production睇片。
由於幾日後就要舉行阿梅十周年忌辰音樂會，為免凍病，學友當日做足防範，帽、頸巾、口罩全身封冚，遮剩對眼。睇完片落樓見到大班傳媒，學友仲問大家有冇見到霆鋒？ Sorry，唔係等佢，其實係等你。
一隊人送埋學友過對面利園攞車，咁啱喺商場撞到珍姐曾勵珍，再影埋。好老實，天寒地凍，大家喺條街食風兩粒鐘，因為佢係張學友，俾著其他蛋散，《壹》仔早就媽媽聲閃埋。學友唔只與佛結緣，更有人緣。
|
鍾意就快D Share啦！
|
|
|
