掃呢頁CODE去手機

2014年1月2日 星期四

[壹週刊 1243] Joey後台打躉 劉浩龍扮晒男主人 Joey,劉浩龍,容袓兒,M1,




英皇一姐有專用座駕,劉浩龍黐得就黐,試過幾次同女友同車一齊去紅館。

探熱針

Joey後台打躉 劉浩龍扮曬男主人

成為容祖兒男友的劉浩龍,為怕觸動英皇娛樂的神經,一直表現低調。二人拍拖一年半, Joey亦公開確認男友地位,飄曬的劉浩龍開始有恃無恐。連日來,女友在紅館開騷,劉浩龍就日日到後台打躉,在祖兒私人休息室內自出自入,又當正自己男主人,招呼到場睇騷入後台同祖兒打招呼的好友。

劉浩龍肆無忌憚在紅館後台重地宣示主權,英皇上下,愈睇愈唔順眼!

日日踩場

聖誕跨年檔期開騷的容祖兒,演唱會進行得如火如荼,攞正牌做英皇一姐男友的劉浩龍,亦老實不客氣,日日到紅館踩場。

「佢當正自己係男主人,喺後台行嚟行去,自出自入祖兒間房,一知道有嘉賓嚟探班,就即刻撲出去招呼,帶人去後台整雞蛋仔,完全當我哋班英皇人冇到,你估個場真係佢嘅咩!」一名英皇工作人員說。

成功宣示主權,劉浩龍多次向記者揮手。

十二月二十八日,完成第八場演唱會後,容祖兒在工作人員陪同離開紅館,祖兒走前三分鐘,劉浩龍獨自步出後台,駕車返家。

阻頭阻勢

每晚要應付幾 part勁舞,英皇擔心劉浩龍在後台搞搞震,影響祖兒演出水準。

要應付十五場演唱會,英皇上下難免擔心祖兒受到影響,容易分心。

「其實歌手開騷已經夠忙,又要背歌詞又要記舞步,每次祖兒化妝,劉浩龍係都要入埋房同佢傾偈,完全唔分輕重,祖兒梗係冇出聲,我哋俾面阿祖( Joey)先冇投訴佢,唔想將阿祖夾喺中間難落台。」

阻頭阻勢之外,劉浩龍亦爭取每個可以「擺姿態」的機會,祖兒每晚都會安排大會攝影為她與到來睇騷的嘉賓拍照留念,劉浩龍永無輸蝕,影埋一份。

「大會攝影 Catherine部相機入面,除咗祖兒最多相,就輪到劉浩龍,你話佢幾厚面皮!」一名工作人員說。

每有嘉賓到訪,劉浩龍都會當正自己係男主人親自招待,兼擁抱合照,聖誕當日,更拍下祖兒的後台相放上微博。

避楊受成

英皇老闆楊受成十分緊張祖兒演出。

去年六月被踢爆秘密撻著英皇一姐容祖兒後,老闆楊受成曾公開形容劉浩龍「笨」和「魯莽」,時至今日,劉浩龍每次見楊受成在場,必定收斂。

「祖兒每日四點幾就要去場館彩排,劉浩龍有時會黐埋祖兒車一齊去紅館,但如果楊生喺度,佢就會自己行埋一邊,唔敢走去騷擾祖兒,完騷通常亦會前後腳離開紅館,有幾次完騷後祖兒去咗銅鑼灣消夜,老闆冇去,劉浩龍就一定跟到實。」

劉浩龍決心做跟得男友,八月容祖兒飛美國學舞,他亦陪飛黐到實。

「祖兒都係瞞住公司俾男友跟埋去美國,其實老闆好緊張祖兒,最弊係劉浩龍日日無所事事,個男人唔做嘢日日黐住你,代表啲乜大家心中有數。」一名英皇人說。

避開耳目

去年 6月,容祖兒與劉浩龍被踢爆秘密到泰國蘇梅島旅行,二人刻意同機唔同艙,一個坐商務,一個坐經濟。戀情曝光後,有指 Joey所屬的英皇極度不滿,老闆楊受成下令二人要低調,並指責劉浩龍公開戀情「笨」及「魯莽」。

自此,二人每次出埠,為避耳目,寧願飛深圳轉機;就算在香港拍拖,都經常相約行山,睇戲揀去東湧,總之避開人群,有咁遠去咁遠。

去年六月,本刊獨家踢爆容祖兒劉浩龍拍拖出埠。

宣示主權

後台重地,閒人免進!入得禁地暢通無阻,形同有認可證,圈中唔少戀情,均經此曝光。

楊千嬅 丁子高

07年楊千嬅在紅館開五場演唱會,其時緋聞男友丁子高現身撐足三晚; 10年千嬅婚後首個演唱會,升格做老公的丁子高晚晚到場監督,在後台巡場幫老婆招呼親朋戚友,更在尾場上台合唱。

鄭秀文 許志安

99年 Sammi一連七場的「 I Concert」紅館演唱會,安仔每晚準時現身,更以主人家身份在紅館代 Sammi拜神。

鄭伊健 蒙嘉慧

每次伊健開演唱會,蒙嘉慧都會低調到場,榮升鄭太後,更以女主人身份坐在當眼的觀眾席。



鍾意就快D Share啦!