掃呢頁CODE去手機

2014年1月2日 星期四

[壹週刊 1243] 樂易玲樂得做閒人 樂易玲,M1,




樂易玲失勢,愛將鄭嘉穎被李寶安勒令埋位拍劇,否則封佢內地財路。

同你吟一吟

樂易玲樂得做閒人

自從年前無綫高層權力歸邊由大內總管李寶安打曬骰之後,負責經理人部門嘅樂易玲就逐步俾人削權,甚至將小生花旦爭相散水呢隻死貓質埋俾佢食,話佢留人不力。

樂大媽失勢,同佢有牙齒痕嘅製作部阿頭曾勵珍,加埋負責綜藝節目嘅餘詠珊乘機落多兩錢力,雪上加霜。由當年個個阿哥阿姐爭住擦買佢怕,到今日俾人逼到埋牆角,大家等戲睇,睇嚇大媽頂得幾耐至劈炮!

上有政策,下有對策!二五話樂易玲根本唔會自己唔撈,總之做番份內事,甚至李寶安指派助理總經理歐偉林出面留人,明剃佢眼眉,大媽都逆來順受。

擺明鬥命長,水來土掩嘅樂大媽樂得清閒,早排《壹》仔見到佢同個外傭走咗去將軍澳行超市,半粒鐘掃咗兩大車。《壹》仔望嚇個鐘,閒日下午茶時間喎!唔使嘥咁多精力去湊無綫班「親生仔女」,慳番!啲時間留嚟照顧自己兩個親生仔,仲好!

閒日(星期二)三點幾,樂大媽得閒到叫埋工人陪佢去將軍澳超市掃貨。

買咗兩大車,樂大媽(箭嘴)找數,工人先行將其中一車物品執入購物袋。



鍾意就快D Share啦!