掃呢頁CODE去手機

2014年1月2日 星期四

[壹週刊 1243] 3000萬賣身 許志安發誓養 Sammi Sammi,安仔,許志安,鄭秀文,M1,




探熱針

3000萬賣身 許志安發誓養 Sammi

情路兜轉 23年,許志安終於在 Sammi 41歲生日( 8月 19日)當天求婚成功,十一月底還秘密到峇里島行禮,由於怕喜事張揚,二人未有在當地註冊。成功感動身家億億聲計的天後下嫁,許志安向身邊好友透露:「唔會使老婆一毫子!」

坐言起行,原來安仔已經鋪定路,下月中便會離開合作九年的寰亞唱片,收 3,000萬轉會到太陽城娛樂,跟 Paco黃柏高再合作。

老婆本到手,安仔計劃買樓俾 Sammi揸手外, 2014年舉行的世紀婚禮,所有大小開支,同樣男子有責,由安仔全包!

過百親友見證

復合兩年多,許志安早已視 Sammi為結婚對象,但對方一直抗拒一紙婚書,未肯步入教堂;直至今年八月, Sammi四十一歲生日,安仔出動鮮花、鑽戒加跪地求婚,最終打動女友答應做許太。

求婚成功後,安仔再秘密安排峇里之旅,請齊 Sammi及雙方家人至親等接近百名親友,參加慶祝 party。

「安仔親自揀場地,環境布置全部一手一腳安排好曬,其實當日佢哋有行婚禮儀式, Sammi都感動到眼濕濕,但安仔就喊得好犀利。而家成班親戚都改曬口,叫 Sammi做『十嫂』、『十姑奶』、『十舅母』、『十伯娘』,佢哋兜兜轉轉廿幾年,最終可以喺埋一齊,大家都好感動!」安仔好友說。

包起 Sammi

一直被指女尊男卑,雖然彼此身家有距離,但安仔吸金能力都唔弱,除持有的二千四百萬幹德道單位,他亦計劃好婚後繼續努力賺錢,買層樓送俾老婆揸手。

「雖然 Sammi樓又多錢又多,但安仔講到明點都唔會使 Sammi一毫子,上次峇里島行禮,機票、住宿所有使費都係安仔負責,之前佢同 Sammi去旅行,就算係買衫 shopping,安仔都出曬錢,佢覺得呢啲係男人嘅責任!」知情者說。

鄭秀文與安仔由淺水灣新居出發到跑馬地買生果,新婚秤不離鉈。

許志安與 Sammi外出購物,安仔付款,老婆就玩 iPhone。

與 Sammi家人外出晚飯,準女婿安仔會幫手扶實不良於行的 Sammi老豆上車。

Sammi、安仔在峇里秘婚後,便一齊出席車婉婉婚禮。

黃柏高一手捧紅許志安,二人感情深厚。

半年前已鋪定路搵老婆本。下月中與林建嶽旗下的寰亞唱片結束九年賓主關係,並以三千萬轉會費過檔 Paco黃柏高的太陽城娛樂。

「安仔同 Paco感情好好,就算之前轉咗會,兩個成日會約出嚟食飯,安仔好多事都會向 Paco攞意見。 Paco去咗太陽城之後,一直都想簽番安仔,今次跟番 Paco,安仔一次過袋咗三千萬,佢話希望可以再衝刺,要賺多啲錢養老婆!」

有共識一齊住

即使快將結束賓主關係,但寰亞唱片仍努力為安仔爭取樂壇大獎,在剛舉行完的新城頒獎禮獲得多個大獎外,也是他喜訊曝光後首次見傳媒。

天後老公在頒獎禮慶功宴上,被傳媒包圍追問求婚過程。安仔雖然答得有所保留,但全程展露幸福笑容,「嗰晚佢生日,咪試嚇囉!所有人做嘅嘢(鮮花、戒指、跪地)都有做!」至於與 Sammi同住,安仔表示:「係有呢個共識,大家一齊生活!」

公布喜訊後首度見傳媒,將結束賓主關係的寰亞唱片,仍派出公司要員(左)傍實安仔見記者。

與 Big 4幾兄弟開騷做巡迴,幫安仔賺唔少錢。

Sammi搬屋,安仔晚晚到新居報到,雙方亦已有共識,展開同一屋簷下生活。

捨得使

與 Sammi 11年復合後,安仔豪買靚車豪宅襯天後女友,每次外遊,安仔一樣包食包玩,做足本分。

離合 23年

Sammi與安仔早於華星年代已撻著,其間離離合合 23年,終於修成正果, Sammi正式成為安嫂。

91年 撻著

二人分別參加新秀並簽約華星唱片,被公司安排以情侶檔合唱《其實你心裡有沒有我》撻著。

92-99年 熱戀期

經常被踢爆到日本旅行,並分別以另一半姿態現身對方演唱會撐場。 98年安仔母親去世, Sammi被拍得在靈堂飲泣; 99年 Sammi開演唱會時突然停電,情急下大叫「安仔」,安仔即飛撲上台安撫。

01年 古天樂介入

Sammi與古天樂拍電視劇《寵物情緣》撻著,被發現通宵唱 K,另一邊廂,安仔亦與鐘錶界名媛胡敏珊傳緋聞。

02年 廚房宣言

在 02年的《勁歌金曲》頒獎禮中,二人同時奪得最受歡迎男、女歌手,安仔在台上喊住發表「廚房宣言」, Sammi在台下感觸落淚,場面感動。但事隔唔夠半年,兩人突然分手。

04年 撻著助手

回復單身,安仔與助手「細佬」撻著, 07年安仔父親過身,「細佬」更以家人身份戴孝在場打點。

08年 模特兒同居

同「細佬」分手,安仔搭上做 model出身的餘德琳( Michelle),二人拍拖三年,發展至同居階段, 10年安仔部署翻撻 Sammi,主動提出分手。

11年 復合

與 Michelle結束關係,安仔積極與 Sammi復合,更被發現同到太平館撐枱腳。

13年 同居

Sammi居住的白建時道住所收樓重建,於是搬到安仔位於幹德道住所,開始同居生活。

13年 求婚

安仔在 Sammi的 41歲生日會上,以鮮花、戒指、跪地求婚三式,成功令 Sammi答應下嫁。



鍾意就快D Share啦!