掃呢頁CODE去手機

2014年1月2日 星期四

[壹週刊 1243] 張學友為阿梅做足防備 阿梅,張學友,學友,梅艷芳,M1,




撞到珍姐(箭嘴),兩個攬住行傾咗幾句。

同你吟一吟

張學友為阿梅做足防備

為今個星期一(三十日)舉行嘅「梅艷芳• 10•思念,音樂•會」碌爆人情咭嘅張學友,上星期五(二十七日)特別唧出兩個鐘時間,去咗銅鑼灣霆鋒間後期製作公司 Post Production睇片。

由於幾日後就要舉行阿梅十周年忌辰音樂會,為免凍病,學友當日做足防範,帽、頸巾、口罩全身封冚,遮剩對眼。睇完片落樓見到大班傳媒,學友仲問大家有冇見到霆鋒? Sorry,唔係等佢,其實係等你。

一隊人送埋學友過對面利園攞車,咁啱喺商場撞到珍姐曾勵珍,再影埋。好老實,天寒地凍,大家喺條街食風兩粒鐘,因為佢係張學友,俾著其他蛋散,《壹》仔早就媽媽聲閃埋。學友唔只與佛結緣,更有人緣。

做足禦寒措施嘅學友,上咗車先敢除口罩。

喺 Post Production逗留兩個鐘嘅學友,落樓見到大班記者,即手指指問有冇見到霆鋒。



鍾意就快D Share啦!