2014年1月22日 星期三

霆鋒教訓遲到新人罷拍返酒店 霆鋒,謝霆鋒,

霆鋒大讚童菲守時有禮貌。


霆鋒教訓遲到新人罷拍返酒店

【戴佩玉深圳直擊】遲到一直是娛樂圈的陋習,繼導演爾冬陞日前投訴有演員耍大牌,帶大堆助手開工,謝霆鋒亦化身「男版汪明荃」,力斥某新人拍戲時遲大到,為了給對方深刻教訓,他折返酒店留待對方自行收拾殘局!霆鋒更自豪地稱:「我入行就嚟16年,從來冇遲過一分一秒!」

霆鋒最近忙遊飛機河,前晚他於北京出席完主演新片《賭城風雲》首映禮後,翌日淩晨五時起床摸黑趕飛機,昨午抵達深圳後,即偕「晶女郎」童菲、導演王晶、監製劉偉強及老闆於冬繼續宣傳工作。新聞發布會上,於戲中被安排與霆鋒配成一對的童菲,全程顯得緊張,說話陰聲細氣,要記者「側耳細聽」才隱約聞得她表示「男神」霆鋒拍攝時寡言酷爆。事後霆鋒接受訪問,問他與童菲合作有何難忘事時,他直言:「真係冇乜喎!不過佢好乖同有禮貌,起碼冇遲大到,呢樣嘢唔係個個做得到。」

「影響成個劇組」

其實早於年前霆鋒與楊冪合拍《消失的子彈》,他亦在宣傳活動上大讚女方謂:「她很專業,很敬業,從不遲到。」可見霆鋒與汪明荃一樣,不能接受「遲到」這種惡習。難怪談起這個問題,霆鋒即滔滔不絕謂:「試過有新人拍戲起碼遲半粒鐘,當然我唔會畀呢件事持續發生,所以咪自行返酒店先囉。(搞到咁大件事,佢點收科?)要畀深刻教訓佢,佢依家唔係淨係影響我,係影響緊成個劇組。」

霆鋒討厭別人不守時,連累整個劇組呆等可大可小。
  • 霆鋒討厭別人不守時,連累整個劇組呆等可大可小。
楊冪曾與霆鋒合作電影《消失的子彈》,獲讚專業守時,旁為同片演員劉青雲。
  • 楊冪曾與霆鋒合作電影《消失的子彈》,獲讚專業守時,旁為同片演員劉青雲。

霆鋒由始至終選擇「不點名批評」,經常在內地拍戲的他,合作夥伴不計其數,以往合作過的新人如今亦有不少已名氣十足,當中包括內地影星井柏然、王柏傑及周冬雨等,誰是霆鋒口中的「遲到大王」,相信只有當事人心中有數。

怕麻煩拒做導演

霆鋒自豪地稱入行至今以守時見稱:「入行就嚟十六年,從來冇遲過一分一秒!有時可能自己調校晏少少到,都只係我唔使整頭同化妝,慳番啲時間。」提到日前爾冬陞投訴演員耍大牌,霆鋒直言略有所聞:「佢講嘅嘢我完全明白,有時做導演真係好慘,所以點解曾經有人搵過我,我都唔肯做。」他又稱會出埠避年,但未有正面回應是否打算赴新加坡探望兩兒子。



鍾意就快D Share啦!
Related Posts Plugin for WordPress, Blogger...