2014年1月22日 星期三

[FACE 348] 48歲吳君如 巨躉金雞 君如,吳君如,MF,




得塊面瘦

FBI

48歲吳君如 巨躉金雞

年年農曆年都見到吳君如,今年都唔例外,君如擔正《六福囍事》同老公投資嘅賀歲片《金雞 SSS》。週日( 19日),君如率先帶住一眾畀面演出嘅演員同班小雞,好似陳冠希、陳奕迅、黃秋生,以及魔鬼巨胸蔚雨芯等殺入時代廣場搞慈善首映。

嗰晚, FBI預咗 Eason一定唔會出席「勁歌總選」,所以佢全程投入《金雞 SSS》宣傳。點知君如就唔多畀面,事關在場有記者問君如點解唔開套戲畀 Eason做男主角?一向笑人唔使本嘅君如就抵死話:「如果阿臣( Eason)肯減廿磅,我就開戲畀佢做主角。」之後 Eason即拆招:「我好萌塞㗎,或者你哋讚嚇我,我就試嚇減 20……安士。」

君如笑人肥,其實 FBI亦發現肥過又 fit過嘅君如都發福唔少。嗰晚由老公陳可辛拖住上台嘅君如,雖然出蠱惑,以為著上全身黑色透視喱士裝就會睇上去瘦啲,點知透視部分唔只出賣咗佢,仲凸顯佢嘅肥肉,尤其條腰粗到好似水桶咁,變咗隻肥雞,淨係瘦喺塊面度,變咗頭細(瘦)身大(肥)囉!君如話 Eason前不如自己都減嚇先啦!

為答謝幫手演出嘅秋生同 Eason,君如送番張印有佢哋個樣嘅大郵票宣傳單張畀佢哋, Eason收到,開心到笑唔停。

呢晚, Eason預咗唔會去 TVB「勁歌總選」,所以全程投入《金雞 SSS》宣傳。先去首映,之後直踩去 after party。

首映禮完後,仲喺跑馬地一酒店搞 after party,有份演出嘅張家輝亦有到場,入場前仲被班女 fans「集郵」。

《金雞 SSS》將於年三十晚( 30日)上畫,戲中,君如將曬 38G特技胸向 20男星集郵。

肥到冇腰

擰轉身仲誇張,君如唔只肥到冇腰,更巨躉現形。好心就唔好笑 Eason肥啦!

週日( 19日),賀歲片《金雞 SSS》喺時代廣場搞慈善首映禮,君如由老公陳可辛拖住上台曬幸福。嗰晚,著住黑色喱士透視裙嘅君如,就透出成身肥肉,無論腰、坐圍;甚至大髀都啖啖肉,好肥美。

Eason同 Edison好兄弟重逢,上台嗰陣 Eason好有禮貌咁扶 Edison,之後仲𠌥低身幫 Edison執番大會貼紙。 FBI睇見 180磅嘅 Eason每個動作都有啲吃力,睇嚟君如都講得啱, Eason真係要減 20磅先得喇!



鍾意就快D Share啦!