掃呢頁CODE去手機

2014年1月22日 星期三

Stephy拒發誓未婚 Stephy,鄧麗欣,




鄧麗欣(Stephy)早前被《好報》踢爆與方力申秘婚後,速揸冠上夫姓(Fong)車牌「SF」辣跑出巡,榮升老襯的小方亦難掩興奮衝口而出認已婚。不過前晚Stephy卻堅稱未做「方太」,當被要求發誓證未婚時,她卻「笠水」不肯就範:「到時畀你哋查到我真係結咗,咁仲解釋唔到!」

鄧麗欣被當眾問秘婚,即死口不認。

被指秘婚的鄧麗欣風騷與黃宗澤傾唔停。

《好報》踢爆鄧麗欣以冠夫姓車牌「SF」曬方太主權。

方力申與Stephy拍拖多年,乃公認的一對,小方早前被問是否已婚時,心情興奮口快快承認:「係呀!」而近年賺人仔賺到笑的Stephy繼進駐大埔比華利山別墅後,又拿著名袋出入過著小富婆生活,近日還被《好報》踢爆一擲逾百萬元買下白色「波子」跑車賀新婚,更刻意掛上「SF」(Stephy Fong)車牌來宣示「方太」主權,認真甜到漏。

榮升「方太」的Stephy前晚與黃宗澤、陳嘉桓及陳偉霆等出席電影《男人唔可以窮》煞科宴,即成傳媒焦點,但面對傳媒送上恭喜,她竟耍手否認:「我唔係方太,我老公姓闊,叫我闊太!真係激死我,我依家用緊自己辛苦賺嚟嘅錢,唔係用緊老公錢,真係唔抵!」

談到她以其公司名義買車,並掛上「冠夫姓」車牌,她解釋純粹巧合,車牌真的從運輸署抽籤所得:「咁啱依家到S同F,估唔到大家聯想到咁,小方原本都有諗過投呢個車牌,因為係『Siu Fong』,但冇諗過係Stephy Fong,真係咁啱,信我啦!」對於小方早前認已婚,她沒好氣笑說:「點知佢啫!」但記者隨即要求她發誓以證未婚時,她即「笠水」,只說:「使乜發誓,如果我依家講到咁,到時畀你哋查到我真係結咗,咁仲解釋唔到。(鋪定後路?)我唔夠膽講大話,同埋對我哋嚟講真係唔需要(發誓),依家都公開到咁。(未求婚?)未,佢做每樣嘢都要100%肯定做到先做。」

唔想等到奉子成婚

自稱未婚的Stephy揚言未知嫁期,重申他日結婚會通知大家,更笑說:「都呃唔到你哋啦,好易查到。(等到好似楊冪咁奉子成婚?)盡量都唔想,希望Step by Step,自己一向唔急結婚,想有小朋友時會結。(小方係結婚對象?)未到最後一刻都唔知,但暫時OK合格。(你要求高!)因為大家講得太多,好似我好恨嫁畀佢。(差啲乜?)大家一齊都要雙方覺得係適當時機。」

鄧麗欣被當眾問秘婚,即死口不認。

被指秘婚的鄧麗欣風騷與黃宗澤傾唔停。

《好報》踢爆鄧麗欣以冠夫姓車牌「SF」曬方太主權。



鍾意就快D Share啦!