複製老蘭廁格偷拍事件 陸駿光肉搏人妻
【維基開台倒數160日】港視（HKTV）由發牌被拒，演變成轉攻流動網絡平台，並宣佈7月1日啟播，台前幕後隨即重組班底全速拍攝新劇，由5個單元故事組成嘅《末日+五》，昨日於灣仔拍攝，由港版半澤直樹陸駿光及曾參選02年港姐、過檔港視的關伊彤（Anita）主演其中一個單元《出軌》。
■《出軌》劇情講述末日將至，陸駿光巧遇Anita，兩人在廁所肉搏。
【扯衫露點】
■陸駿光與關伊彤為港視新戲獻出第一次。
【激烈濕吻】
飲酒壯膽
日前網上瘋傳一對男女於蘭桂坊夜店廁格埋身肉搏被偷拍的片段，成為全城熱話，陸駿光與已為人妻30歲的Anita，昨日複製劇情，以超越電視尺度的演繹重演火辣濕吻、廁格肉搏戲，劇情講述末日將至，世界將於數小時內被漽，陸駿光計劃尋歡為自己人生畫上完美句號，機緣巧合遇上火辣主動的Anita，被她完全制服，並被推入廁所，更被伊人騎上身，之後發展至成人情節。
整場親熱戲意識大膽，Anita表示今次是螢幕初吻，她說：「同陸駿光識咗10年，太熟冇乜火花，今朝飲咗鴛鴦，都驚有口臭。冇諗過拍得咁激，有同老公講定，老公話佢係專業演員，接受我嘅選擇同演繹，希望大家唔好話我太猴擒。」
陸駿光今次擔正做男主角，兼且同是螢幕初吻，他聲稱沒緊張及壓力，但也事先飲酒壯膽，加強投入情緒，他說：「拍攝之前都唔知尺度可以咁大，可能因為網上播，冇咁多限制，我今次係螢幕初吻，之前帶定牙刷，但係最終冇用到。」
採訪：張俊銘
攝影：葉君海
|
鍾意就快D Share啦！
|
|
|
