[FACE 348] 走得快 拉隊反阿叻 蔚雨芯：又唔係 TVB私生女 蔚雨芯,陳百祥,阿叻,TVB,MF,

雖然公司莫財，不過蔚雨芯仲 keep住有工開，喺賀歲片《金雞 SSS》拍住吳君如、王菀之等做小雞，週日（ 19日）仲穀胸出席首映。

真面目

走得快　拉隊反阿叻　蔚雨芯：又唔係 TVB私生女

鍾意認叻嘅陳百祥（阿叻），擦掂殼王陳國強，喺 TVB唔憂做，可惜佢捧藝人就冇得認叻，由「東方魅力」到「 Snazz」，冇邊個紅得起，得 Tommy踩極未死。

捧人唔掂，最慘係 Snazz原來缺水，去年最紅嘅 JJ賈曉晨醒目唔續約，剩低連稍有知名度嘅狄易達同蔚雨芯都要另覓好人家。據知二人拍完南極旅遊特輯後， 4月就同叻哥講拜拜。蔚雨芯話：「我又唔係 TVB私生女，第時努力啲囉！」

13歲開始跟阿叻的蔚雨芯，上年拍 J2節目《去吧！墨西哥》，喺節目中勁騷 32D身材，即刻獲封「魔鬼巨胸」。食住個勢出過兩本寫真集，亦喺電影《微交少女》孭飛做女角，加上 JJ賈曉晨離巢，蔚雨芯喺 Snazz算撈得掂。

12年同狄易達拍攝《去吧！墨西哥》，因喺節目中著住三點式介紹魔鬼魚，因而有「魔鬼巨胸」稱號，算做 Snazz中最有市場。電視圖片

Snazz行政總監簡文滌亦坦白說：「殼王好耐冇科水㗎喇！」

殼王停泵水

蔚雨芯做到成績，可惜公司資源有限， Snazz表面上叻哥係老闆，更有無綫大股東陳國強做大水喉。個個以為唔缺水、更可以喺無綫橫行，但原來只係表面風光。上週 Snazz行政總監簡文滌自爆要墊支出糧，上週六（ 18日）他出席電影《金雞 SSS》活動時表示：「其實殼王好耐冇科水㗎喇！公司其實有好多老細，叻哥唔係老闆，但佢出咗好多次支票，數目唔細，絕對冇拖數。」

叻哥同殼王稔熟，喺無綫逢大騷必有份。上年為無綫台慶造勢，向網民挑機，更誇口「冇 30點跪返屋企。」

蔚雨芯（左）上年成績不俗，除咗拍攝《微交少女》、《金雞 SSS》，更同陳嘉桓、 Ana R.等拍纖體廣告，算有吸金力。

E神 Carol唔願剝

上年叻哥簽入「血管乳」浸大 E神 carol，以為會威脅蔚雨芯，點知 Carol不屑性感，成日推 job，蔚雨芯話：「同佢唔係太熟，見到面會傾偈，我哋冇嘢嘅！」

學打拳

為咗洗脫咪神形象，上年 Carol更向香港拳王柏榮學泰拳，仲上埋擂台打比賽，練習同上台時都將 34E身材包到冚。

歎紅酒

Carol自恃係大學生，所以唔想做任何賣肉 job，據知佢最近鑽研紅酒，更有意做紅酒 sales同品酒師，不時喺 Instagram鋪紅酒相。

Carol原本喺 Starzpeople發展順利，但不滿舊公司將佢捧做咪神，但轉投阿叻，又要喺《叻哥遊世界》著泳衣騷胸。

孖狄易達離巢

狄易達除咗長期喺 J2做《安樂蝸》主持，拍劇佔戲亦愈來愈多，最近喺《貓屎媽媽》同黃宗澤有唔少對手戲。

雖然話自細簽阿叻出道，不過如今叻哥冇水喉，蔚雨芯亦自知再磨冇運行，於是在簡文滌帶頭下，跟另一叻哥愛將狄易達齊齊離巢。

蔚雨芯說：「我知公司已經盡咗力幫我，好多人以為我哋公司老闆關係，無綫實優待我哋，其實冇㗎！我又唔係無綫私生女。（ 4月會轉新公司？）暫時唔講住，但我同達仔會去南極拍特輯返嚟先諗，𠵱家仲有約。」 2大主力離隊，家陣 Snazz得番個唔多願做嘅 Carol，好難再大搞喎！

冇個紅

叻哥自己捧自己就叻，捧人咁多年都唔掂。由當年「東方魅力」開始到𠵱家嘅「 Snazz」冇邊個出色。家陣個個閃人， Snazz剩番叻哥自己。

JJ出走

賈曉晨 03年開始簽約 Snazz，多年來受叻哥力捧，原本喺無綫劇接劇，但自從上年 4月離開同男友樊少皇一齊北上掘金後，喺無綫即刻影都冇。

E-kids不死

E-kids一直紅唔起，直至最近阮文安成日搵 G-Dragon做話題，大家先記得呢隊樂隊。

EO2自救

EO2冇解散但成員各自發展，嚟緊將會同曾志偉等做《獎門人廣州演唱會》，亦係由 Snazz代理，算做自力更生。

鍾意就快D Share啦！

下一篇 》