2014年1月22日 星期三

[FACE 348] 月搵 30萬大拆家  B餐 Kay美容機直銷拉客 Kay,謝安琪,MF,




Kay在內地略有名氣,身價不斷上升,𠵱家仲識做直銷搵錢,真係要代張繼聰畀個「 Like」佢,希望佢今次唔會中伏啦。

封面

月搵 30萬大拆家  B餐 Kay美容機直銷拉客

早前有指直銷公司入侵娛樂圈,林珊珊細女李怡(野人),更被影到在展銷會向人推銷價值約 8千蚊的「回春機」,落足嘴頭 sell客。

野人所屬的美國上市公司「 Nu Skin」,在港已有多年歷史,產品遍及美容和健康食品,原來娛圈還有多位明星名人會員,其中包括最近熱論「老婆 A、 B餐」的贏家謝安琪。據知屬銅鑼灣總部的 Kay,曾向前同門師妹 Super Girls、欣宜和吳若希等推介美容食品及美容機,自己做埋變靚啲人辦,以口碑速銷,有時月入近 30萬,相當和味! B餐 Kay慳家又識搵錢,不過直銷公司近日被《人民日報》點名批評涉傳銷、洗腦,股價一度大瀉, Kay小心搵外快搵出禍。

Sell掂前同門

Aka@Super Girls

直銷公司一向於坊間非常流行,不過由美國傳入的「 Nu Skin」,甚懂玩明星效應,連邱淑貞、袁詠儀及胡杏兒等亦曾被影到上「 Nu Skin」入貨,每次起碼花 5位數,而周海媚都曾在微博開名介紹該產品。

「回春機」起家

能夠吸引明星客,只因不少明星都是其直銷商,介紹同行幫襯有錢袋,是一筆大生意。其中一部俗稱「回春機」的美容機相當吃香,售價約 8千蚊,聲稱可以瘦身去斑,連靜脈曲張都有效,雖然功效未被證實,但經星級直銷商落力在娛圈宣傳,仍吸引到貪靚的女星掃貨送禮自用。

據知除了一班中女沉迷「回春機」,近日不斷被網友拎去同「 A餐」徐濠縈比較的「 B餐」謝安琪,去年中開始向身邊人好友推介;而 Kay去年曾在疑似宣傳稿的雜誌訪問中,承認平時會用全套「 Nu Skin」護膚品,變相公開推銷。「 Kay做咗會員年幾啦,皇室堡 office未搬去嘉蘭中心嗰陣, Kay已經去嗰邊攞貨, keep住介紹到好多客,佢間唱片公司嗰個欣宜、吳若希同 Super Girls都有幫襯㗎!以佢客源咁廣,有時一個月搵到 30萬,雖然對於明星嚟講唔係特別多,但當幫補嚇都唔錯!唔只 Kay,佢老公都有一齊做㗎!」知情人士透露。

Eason熟客仔

據知 Eason亦曾幫襯「 Nu Skin」,如果肯 sell,客源應該同 Kay有得揮!

店員爆周海媚幫襯

據知 Eason亦曾幫襯「 Nu Skin」,如果肯 sell,客源應該同 Kay有得揮!

記者週一( 20日)到位於嘉蘭中心的「 Nu Skin」視察,發現門面光鮮,產品排列整齊。記者想問是否經常有明星幫襯,職員以私隱為由拒絕回應,但就「唔覺意」爆咗周海媚同蔡淇俊都有買嘢。

Eason早過 Kay

謝安琪搵到食,「 A餐」食家陳奕迅原來比她更早成為「 Nu Skin」用家,亦有會員曾見過邱淑貞、張家輝同李思捷親自掃貨,證明的確有唔少名人明星已經成為信徒!

據知低調用家 Eason,其實係由阿徐好友 Judy Ip介紹。「 Judy識好多潮人,以前喺 I.T izzue做首席時裝顧問,入咗直銷公司年半,就升做最頂級嘅藍鑽石級主任。」

而貴為天後的「 B餐」謝安琪,近日忙於上深圳參加歌唱比賽外,仍與老公張繼聰合力做推銷員。

邱淑貞同李思捷都愛上嘉蘭中心入貨,熟客仔邱淑貞仲同職員有講有笑,睇落好似幾熟絡。網上圖片

網上圖片

據知胡杏兒只係上過「 Nu Skin」一兩次,但可能係 TVB當家花旦,有 sales竟然自製宣傳海報借杏兒拉客!網上圖片

網上圖片

Aka@Super Girls︰有聽 Kay提過

據知情人士透露︰「班明星上到去展銷中心通常買親都幾萬蚊,不過唔係個個都 keep住做,有啲上去買過一次嘢,就俾啲 sales影曬相,之後放上網,變相幫人宣傳咁,之後都怕怕啦;有啲星就真係當生意做,連唔識嘅走埋去 sell,誇張過地產經紀㗎!但就好怕俾人知,怕被誤會係傳銷。」據知 Kay親身做「白老鼠」,不時向同公司的女歌星埋手,「信徒」愈來愈多。

本週一,本刊記者致電 Super Girls成員 Aka趙慧珊,她說︰「有聽 Kay提過,我就未試過,其他成員就好似有,不過我準備試嚇隻綠茶美白丸,呢樣平啲,其他都幾貴。」記者致電 Kay經理人夏森美,他亦直認知道此事。「其實阿 Kay只係算用家,佢試過 ok,先介紹畀身邊啲女仔朋友咋嘛!只係好普通嘅一件事!(一個月搵 30萬?)點會呀?阿 Kay唔會當生意咁做!」呢盤生意咁有爭議性,當然低調啲好。

Kay經常容光煥發出席活動。個樣夠 sharp, sell客都易啲啦!《蘋果日報》圖片

阿徐同設計師 Judy Ip(左)老死,轉行做直銷後,當然力 sell好姊妹,再由阿徐推介給 Eason。網上圖片

《人民日報》轟涉傳銷 股價狂瀉 4成

Nu Skin大陸官網「溫馨提示」,承諾配合有關部門核查。

「 Nu Skin」(大陸名為「如新」)被娛圈人神化,但其實負面新聞多多。除了產品評價在網上好壞參半,營銷手法被質疑,日前《人民日報》一連三日報道公司因涉嫌傳銷,涉搞大型集會向成員「洗腦」,被中國工商總局和商務部關注,中國工商總局上週四更公布會調查事件。「 Nu Skin」股價在美國暴跌,上週三、四兩日間累積跌幅曾超過 40%!公司先發聲明指報道「不準確和誇張」,後才改稱會配合有關部門核查。現時內地市場佔「 Nu Skin」 31%生意額,達 6.67億美元,是其最大市場。

據梁永鏗律師指,本港《禁止層壓式計劃條例》已在 12年初實行,新例釐清和擴大層壓式銷售定義,刑罰提高至罰款 100萬和監禁 7年。

A餐定 B餐?

Kay同張繼聰一家三口生活低調, Kay更被視為索爆人妻。她直言有看過 A、 B餐文章,更強調本身食得清淡,好少出外揀 A、 B餐。

張繼聰週一( 20日)喺 Instagram祝 Kay結婚 7周年快樂,唔使曬合照都 sweet爆!

專欄作家葉朗程在 1月 15日的《蘋果日報》撰文,話自己揀「 B餐」謝安琪都唔要「 A餐」阿徐,唔少網友睇完都話狂撐「 B餐」 Kay!

被形容為「 A餐」的徐濠縈,早前又 po恩愛自拍照反擊網民,力證自己娶得過!

Kay威盡《音超》

謝安琪近日參加深圳衞視的《中國音超》,雖然冇 G.E.M.的《我是歌手 2》咁 hit,但 Kay愈戰愈勇,在第二輪複賽唱林俊傑的〈她說〉獲 9.91全場最高分,力壓內地歌手陳楚生晉級,不過 Kay所屬的「金牌大風隊」成員卻出局,得番隊長 Kay一個繼續比賽。

Kay去年積極拓展內地市場,經常有內地單位搵 Kay做嘉賓。網上圖片



鍾意就快D Share啦!
Related Posts Plugin for WordPress, Blogger...