2014年1月22日 星期三

[FACE 348] 睇晒 珍姐獨大 頭馬黃翠如:冇珍姐冇劇拍 翠如,曾勵珍,珍姐,黃翠如,MF,




12年加入無綫後即獲珍姐賞識做女主角,翠如 BB識得話冇珍姐佢就冇劇拍,果然係尊師重道乖乖女。

真面目

睇曬 珍姐獨大 頭馬黃翠如:冇珍姐冇劇拍

有啲道理唔只娛樂圈,擺喺各行各業都啱用,出嚟社會泊啱個好碼頭幾時都係成功先決條件,更何況係樣樣講關係嘅電視城?

邵爵士後事辦得七七八八,電視城內即時回復風起雲湧。從邵爵士年代已經勢不兩立的電視製作部兩大巨頭,終分出勝負,梁家樹( Tommy)將被調往邵氏電影部任高級顧問、留低曾勵珍於 TVB一黨獨大。有人歡喜有人愁,最值得慶賀肯定係一入 TVB就 mark實珍姐嘅翠如 BB!

從有線過檔加入無綫、未有拍劇經驗竟可擔正《心路 GPS》、即時榮升翠如 BB, 32歲黃翠如遲來先上位,全靠同餘詠珊拍住上的劇集部製作總監曾勵珍首肯。調走 Tommy、珍姐獨大消息未經官方證實,上週翠如 BB拍外景時遇上本刊記者,提起珍姐,翠如 BB直言感激:「冇珍姐,我就唔會有劇拍。我要多謝佢畀機會,我嚟緊同洪永城去拍環遊世界新節目。大人嘅事(高層人士變動),我哋呢啲小朋友唔知咁多。」

梁家樹做足二十年製作總監、妻子蕭笑鳴又曾經係藝員部經理,梁氏夫妻在電視界人人畀面,帶挈獨女 Toby(梁靖琪)入行都路路暢通,老父離開, Toby「前途似咁」。《蘋果日報》圖片

珍姐(左三)獨大直接得益者無疑係其小生花旦愛將,除咗翠如 BB,一號愛將黎耀祥已經落實 14年擔正三套劇,仲要套套重頭。圖片

二合為一

翠如 BB資歷尚淺,佢話「小朋友唔知大人事」亦確係有道理,傳言多年將重整旗鼓的邵氏電影部今年總算有作為,最新猛將正是無綫戲劇部總監梁家樹。 Tommy四月離職,據知內部通告雖然寫明由區偉林暫時兼顧,不過區正職是處理行政事務的助理總經理、兼顧製作部只屬過度時期權宜之計,一般估計最後製作部大權歸珍姐。

Tommy離開,在製作部鬥足二十年的 Tommy和珍姐,終於分出勝負。未來開劇用人大小事宜珍姐話事、連花旦小生都唔使分派系全台任用,珍姐時代正式降臨。

義氣仔女點睇?

Niki亦識賣口乖:「珍姐梗係好好啦,我啲劇《秀才遇著兵》、《我的如意狼君》等等最為觀眾熟悉嘅電視劇都係珍姐嘅。但係 Tommy都好好,《好心作怪》都係佢……嗰啲嘢(高層人士變動)我唔知咁多!」

鎮宇兩次回巢拍《衝上雲霄》都係畀面 Tommy,吳鎮宇話唔知 Tommy離開電視城,一聽珍姐獨大更大反應:「唔係呀嘛……唉……呢啲嘢我哋都係唔知咁多!」

過底先鋒

以前珍姐同 Tommy旗鼓相當,監製、藝員親疏分得特別清楚,未來劇集製作部一珍獨大,早啲過底早啲有劇開!不過如今珍姐睇曬,冇分彼此啦!

黃智雯

全靠 Tommy一手捧上位、出道以嚟出位作《缺宅男女》都係出自 Tommy手筆,現時拍緊珍姐主理的《師奶 Madam》,雖然俾黃翠如做咗「女一」,佢就做「女二」,但證明黃智雯已順利過底「珍」黨,正式加入珍派。

岑麗香

拍咗兩年劇已經榮升女神、勇奪好多人恨咗幾年都恨唔到嘅「飛躍獎」,香香公主最新去向,又係落實被珍姐欽點做《無雙譜》第一女主角,飾演當年李司棋的角色。



鍾意就快D Share啦!
Related Posts Plugin for WordPress, Blogger...