2014年1月22日 星期三

[FACE 348] 劉愷威回巢即跪 劉愷威,MF,




Liza姐今次都孭重飛,劇中有愷威做親生仔,又有黃德斌呢個養仔,仲要對莫小祺呢隻狐狸精,更要對付孫興呢個家族仇人,認真唔得閒。

FBI

劉愷威回巢即跪

王晶幫 TVB拍嘅強國劇《風雲天地》,上星期流出一段長達差唔多 30分鐘嘅片花。

呢套劇除咗有劉愷威,仲有好耐冇拍劇嘅趙雅芝、汪明荃同黎耀祥參與,所以 FBI都有啲期待,但睇完片花就發覺條橋直頭係《創世紀》、《天地豪情》及《天地男兒》等老土大雜燴,大財團、復仇、尋親、絕症、跳樓、綁架同掌摑等等, TVB劇指定劇情應有盡有,咁使鬼王晶救亡。最離譜係劉愷威激動起嚟就實跪低, FBI想問佢膝頭哥痛唔痛囉!

唐嫣喺劇中做愷威第一任老婆,最後因白血病死,又係抄上幾代韓劇嗰啲催淚劇情?

唐嫣同愷威老婆楊冪係死黨,早排先喺二人婚禮做伴娘。喺《風》劇就做愷威老婆,但佢話唔尷尬。

愷威有個冇血緣關係嘅細妹(童菲飾),而細妹就愛上呢位「阿哥」,睇緊《藍色生死戀》咩,𠵱家啲韓劇都唔 buy啦!

跪完又跪

片花中劉愷威除咗成日喊之外,仲成日跪。有冇咁軟弱呀?



鍾意就快D Share啦!
Related Posts Plugin for WordPress, Blogger...