2014年1月22日 星期三

[FACE 348] 陳智燊趕辦年貨 陳智燊,MF,




Jason喺店員帶領下,終於都搵到啱佢心水嘅利是封,唔知佢使唔使買埋有「宋」字嘅利是封畀緋聞女友宋熙年呢?

FBI

陳智燊趕辦年貨

下星期五就大年初一,相信大家同 FBI一樣都準備好𢭃利是呢一個大 project。原來小生陳智燊( Jason)都準備好喇喎!

話說上星期 FBI喺銅鑼灣 shopping期間,突然見到 Jason喺間賣利是封嘅鋪頭入面,睇嚟佢對利是封嘅要求都好高,揀來揀去都好似唔啱心水咁,好在最終都買到。之後佢又去睇嚇傢俬、掃嚇牛仔褲咁,好似趕住過年前掃貨。話時話,今年 Jason發展都唔差,今年派畀傳媒嘅開工利是銀碼都應該唔會太細啩, FBI有冇份先?

之後 Jason去咗傢俬店睇燈。雖然冇買燈,不過佢都同店員有傾有講講咗 15分鐘,可能要返屋企再度度位先。

新年梗要添新衣, Jason之後又去咗買牛仔褲,店員問佢幾吋腰圍時,佢仲唔介意咁拉起上衫,好在店員係男人。



鍾意就快D Share啦!
Related Posts Plugin for WordPress, Blogger...