2014年3月6日 星期四

[壹週刊 1252] 情侶檔 崔建邦話事 唐詩詠同台搵水 崔建邦,唐詩詠,M1,




明益你(設計對白)

多謝曬喎!(設計對白)

探熱針

情侶檔 崔建邦話事 唐詩詠同台搵水

早前(二月二十一日) HEC CAPITAL(中南融資)在四季酒店舉行春茗,負責做司儀的崔建邦幫手吹雞,搵來謝安琪、 RubberBand、吳雨霏及台灣的 A Lin、黃小琥等歌手為主人家贈興外,還孖住多年來糾纏不清的唐詩詠,情侶檔同台做司儀,有錢齊齊搵。

做埋搞手

每年春茗活動都大陣仗的中南融資,今年在六星酒店設宴外,再豪花二百萬搞節目製作,令公司春茗變成 TVB騷一樣。

「今年單係負責表演嘅單位已經有十個,香港台灣都有。聽講公司其中一個董事同崔建邦好熟,所以個製作幾乎都係佢一手包辦。」一名公司員工透露。

肥水不流別人田!撈埋節目製作策劃的崔建邦,更加益埋分手復合 N次的唐詩詠,以情侶檔姿態同台做司儀。

「其實唐詩詠已經連續三年做公司春茗司儀,更何況今年公司搵咗崔建邦做統籌,唐詩詠無理由冇份囉!」除了崔建邦出面聯絡的表演嘉賓,與公司股東相熟的莫少聰,亦專程由內地返港出席春茗,並上台唱了兩首歌。

男友金紫耀無到, BoBo由幾個女性朋友陪住,在場外的木馬前留影,入席後睇表演,表現投入。

自從去年金紫耀辭退威利國際董事總經理一職後,與莊友堅關係不復從前。

吳雨霏、王君馨與羅鈞滿也是當晚春茗的表演嘉賓之一。

陳文媛單拖

當晚成為大眾焦點的還有陳文媛( BoBo),卻不見男友金紫耀。

「自從 Philip(金紫耀)○一年辭咗唔做威利國際董事總經理後,都好少見佢同莊友堅(有細股股神的中南董事)一齊,不過 BoBo間美甲店係莊友堅投資,所以 BoBo同佢仲有往來。」知情者說。

現場所見,當晚與女友一齊出席的林國斌,兩杯落肚後,拉住女友滿場飛,又走到台前,等 RubberBand表現完,向台上的主音六號敬紅酒,六號亦十分俾面,點都飲番啖。

RubberBand唱了三首歌,全場氣氛高漲,林國斌更投入到拉著女友走到台前跳舞拍手, high爆。

久未露面的莫少聰雖然發福不少,但多次被在場女士拉著聊天拍照,甚受歡迎。

林國斌上前向 RubberBand主音六號遞上紅酒一杯,六號卻之不恭,係咁意飲啖。



鍾意就快D Share啦!
Related Posts Plugin for WordPress, Blogger...