[壹週刊 1252] 許冠傑谷氣減肥 許冠傑,M1,

身上冇豹紋，換來長頸鹿圖案頸巾嘅歌神許冠傑，因為俾人笑佢肥，決定的起心肝減俾你睇，目標係開騷前踢走 17磅。

同你吟一吟

許冠傑穀氣減肥

徐小鳳開完騷，佢位跨世紀死敵許冠傑四月又話要去紅館開《 WHAT A WONDERFUL WORLD許冠傑 2014演唱會》，暫定三場。

04年復出後，阿 Sam開騷開上癮，香港、澳門仲有大大小小巡迴演出，唱完又唱又再唱，仲要次次有主題，阿 Sam今次就希望帶出「世界多美好」訊息，等港人冇咁多怨氣。

有歌神，當然唔少得佢兩個仔懷欣懷穀同埋豹紋，不過阿 Sam話雖然歌衫繼續會有豹紋，但圖案會含蓄啲，唔再「花喱碌」。個唱記者會當日，歌神身上豹毛都冇條，只係條頸巾有長頸鹿圖案。

唔只轉形象，阿 Sam仲因為俾記者寫佢肥，下定決心跑步遊水減走身上多餘脂肪，家陣已經輕咗 7磅，希望開騷前減多 10磅就 very good。 65歲，阿 Sam仲顧嚇個 look，反而之前 fit到漏嘅歌神大仔懷欣就肥咗成個碼，就快追得上細佬懷穀囉！

許懷穀？其實係肥到走咗樣嘅許冠傑。

歌神細仔懷穀（右）由細到大都係肥仔底，估唔到佢阿哥懷欣都開始中年吹脹。

鍾意就快D Share啦！

下一篇 》