網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年4月4日 星期五

[忽然1周 975] 拍劇踩足三日 江美儀爆肺送院 江美儀,MW,




死撐開工

江美儀日前因拍劇操勞爆肺,匆匆休息一周後便復工,做死人冇命賠。

娛樂喧

拍劇踩足三日 江美儀爆肺送院

由阿佘和林峯孭飛的《使徒行者》,開拍僅兩個月可謂多災多難。先是答應「出山」演出的影帝梁家輝,卻因肋骨受傷而辭演,配角森美亦因病而要中途易角;至於頂替森美的沈震軒,早前拍劇時亦不慎炒車致右手骨裂。

本刊收到消息,劇中飾演高級檢控官的江美儀,日前連踩三日通頂開工後,在上月 20日晚爆肺被送入院,同日她要求出院在家中休養,不過休息了一星期,就被劇組催逼復工。真係攞你命三千。











主角冇事

一班配角拍《使徒行者》相繼出事,可幸三位主角三哥、佘詩曼及林峯都無恙,但林峯早前卻開玩笑咒自己:「唔知下個會唔會輪到我?」大吉利是。

《使》劇最初以影帝梁家輝「出山」為大台助陣作招徠,可惜開拍前他跌斷肋骨,無緣演出,亦為藝員接二連三受傷意外揭開序幕,令劇組大失預算。同時由於沈震軒要重拍森美所有鏡頭,變相之前有份入鏡的藝員,都要重新拍一次。為趕及進度,劇組惟有日夜趕戲,不少藝員每日只瞓三、四粒鐘,唔病有鬼。

唞唔到氣

邪開有條路,劇中演高級檢控官的江美儀,雖然冇乜動作場面,但本刊收到消息,上月 20日她拍攝一場廠景時,呼吸一度出現困難,令在場的工作人員大為吃驚。據在現場的劇務人員透露:「美儀之前嗰三日,每日都踩咗接近二十粒鐘,嗰日佢拍到晏晝四點,就話返屋企沖個涼,通告要佢六點再埋位拍一場法庭戲。佢走嗰陣,已經見到佢腳步浮浮。到佢返嚟,塊面已經又青又白,點知佢突然揞實心口話好痛唞唔到氣,嚇到我哋死。」

微博揭病

攤唞了一星期,江美儀於 24日自行在微博透露唔舒服,有粉絲叫她保重身體。

新劇接二連三出意外,江美儀早前在微博中表示藝員再次拜神,祈求一切順風順水。

休息幾日催開工

據知,江美儀當晚被送入聖保祿醫院,由於病情不輕,醫生要她留院觀察。知情人透露:「醫生做檢查後,認為美儀好大機會係爆肺,要佢住多兩日院 check真啲,但美儀唔想件事揚開,所以決定返屋企休息。出院嗰陣,醫生叫佢最好唔好開工住,要等個肺功能完全康復。」

即使醫生千叮萬囑,但仍在休養的江美儀日前已返劇組開工。「劇組點肯放人吖,佢哋同美儀講,阿佘(佘詩曼)同阿峯(林峯)都詐曬型,問幾時先拍完。佢哋話 Sammy(沈震軒)斷手都照開工,再唔拍就四月尾都煞唔到科。」據知江美儀周一( 31日)復工時,都要控制說話的聲音和速度,以免觸動患處。

江美儀爆肺後,連日深居簡出,上周四( 27日),本刊拍到有份拍《使》劇的陳敏之,到江位於貝沙灣的寓所探病。陳逗留接近兩小時才離開,再到附近的數碼港麥當勞買包匆匆醫肚,便趕住開工。

帶病開工

江美儀在劇中先扮演被老公虐打的師奶,後來成為檢察官再與三哥苗僑偉相戀,戲份頗多,難怪病住都要開工。周二( 1日)淩晨,她便上載她和三哥談情戲上微博。

敏之探病

上周四( 27日),陳敏之開工前到貝沙灣探老死江美儀,之後更到數碼港麥當勞買包醫肚。事後記者致電陳,她表示不願談江美儀病況。

陳敏之與江美儀因合作拍《 My盛 Lady》扮演兩姊妹而 friend咗,近日二人又結片緣。

江:仲係好痛

江美儀出名「爛撈襟做冇投訴」,去年台慶她奪得「最佳女配角」後劇接劇,對此她曾說:「唉!無綫點肯放我走,攞咗獎喎,呢啲嘢要還㗎!」甚有暗寸意味。周二( 1日),本刊致電給她,對於做到爆肺,她有氣冇力地說:「唉!其實我 2月 25日已開始發燒、喉嚨發炎、中耳炎,之後就開始咳,咳到心口個位好痛,醫生懷疑我爆咗肺。其實依家都好辛苦,講嘢唔可以咁大聲,仲係好痛。遲啲有一場汽車爆炸場面要拍,希望監製將佢押後!打戲最好唔好預我喇!(係咪拍劇拍得太辛苦?)……我諗唔關事啩,不過舊年 5月到依家,我都拍咗三套劇,所以我同咗公司講,拍完呢套劇,要攞八十日假唞一唞。」

輪住出事

《使徒行者》流年不利,今年 2月初開拍以來,演員相繼出事,雖然主角暫時無恙,但亦間接影響拍攝進度。

《使》劇在 2月初開工,飾演第三男主角與陳敏之拍拖的森美,突然稱病臨時辭演,搞到劇組要跳拍其他演員戲份。

本來飾演大配角的沈震軒,被臨時奉召頂替森美演第三男角,但他卻黑到透,拍單車戲時不慎炒車致右手骨裂,兩隻手共鑲了三粒螺絲,恐怖。

有份拍攝的高 Ling也拍到病,拍這套劇認真邪。

爆肺可致命

爆肺正確學名為氣胸,一般病徵乃肺部「穿咗」,以致空氣流入胸腔壓著肺部致呼吸困難,甚至有機會猝死。據呼吸系統科專科醫生表示,爆肺的病人除了少部分是遺傳外,其他的則沒有跡象可言,更趨向年輕化。歌手謝安琪更曾 4度爆肺,而方大同亦於 2010年因爆肺入院。



鍾意就快D Share啦!


Related Posts Plugin for WordPress, Blogger...