網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年4月18日 星期五

[忽然1周 977] 慶功宴向蔡少芬洩密  Angelababy︰驚好快有 BB lababy,爸爸去哪兒,Angela,蔡少芬,Angelababy,MW,




Baby硬谷湯碗胸,擸到最佳衣著獎,當晚她踩入《一代宗師》慶功宴之餘,更興奮向蔡少芬漏口風話將會結婚。

滾熱辣

慶功宴向蔡少芬洩密  Angelababy︰驚好快有 BB

Angelababy與內地紅小生黃曉明拍拖四年多,早前 Baby25歲生日,曉明早有預謀送 230萬的林寶堅尼跑車給女友大曬恩愛,即盛傳兩人在外地已秘婚。雖然當事人例牌否認,不過記者於《一代宗師》慶功宴中,聽到 Baby向已為人母的蔡少芬大爆好事近,更笑指怕自己會突然懷孕,暗示目前與黃曉明不設防。

其實今年初, Baby雖然話未有結婚計劃,但卻大方表示想 30歲前生 BB,更唔排除意外懷孕。本刊亦收到消息,原來兩人 3月初已秘密飛外國註冊,更打算年尾在北京及香港兩地擺酒。分分鐘好事打孖上呀!











剛滿 25歲的 Angelababy年初接受訪問時,已經講到明有心理準備迎接小生命。她說︰「結婚一定通知大家……本身希望三十歲前生 BB。(若意外懷孕?)最好我好喜歡小朋友。」暗示與男友不設防,隨時「搞出人命」。

周日( 13日),金像獎頒獎禮當晚, Baby雖然只是做頒獎嘉賓,但當晚心情靚絕,完騷後更換上 Versace外套及便服,連踩兩個慶功宴。淩晨 1時許, Baby出席完《激戰》慶功宴,再轉場到由劉嘉玲搞的《一代宗師》慶功。席間,她撞見當晚風頭躉張晉夫婦, Baby隨即拉住蔡少芬( Ada)雞啄唔斷。

黃曉明與 Baby拍拖三年多屢傳婚訊,加上今次女方玩自爆,看來應該好事近。

運動員出身,再由武指轉戰幕前的張晉,首度提名最佳男配角便獲獎,當然帶埋老婆蔡少芬去慶功。

面貼嘉玲

慶功宴於劉嘉玲投資位於尖沙嘴的西班牙餐廳舉行,換上 Versace春裝的 Baby到場後立即捉住劉嘉玲影相。

影帝攬實

之後 Baby見到出爐影帝張家輝,主動行埋去集郵,被影帝攬實合照。

輪住吹水

其實 Baby出發去《一》慶功宴前,先去《激戰》慶功。當時記者發現 Baby情緒高漲,滿場飛搵電影人吹水。

任𢭃下巴

其間, Baby與一名中佬傾偈,中佬突然用手崵 Baby下巴,難得 Baby沒有抗拒

爆自己就快結婚

本刊記者埋身聽到兩人的對話。 Baby先是恭賀張晉得獎,之後她開心向蔡少芬說︰「我都就快結婚,不過驚好快有 BB。」而 Ada則表示︰「唔使驚!我係過來人,結咗婚就好自然想有,好似我同老公咁。」之後 Baby點頭認同︰「都係!見到你同老公同兩個囡囡真係好幸福。」此時 Baby亦流露一個憧憬的表情。

兩人愈講愈大聲,蔡少芬向 Baby大談夫妻相處之道及湊女經,講到眉飛色舞。其間 Baby熟手地點煙,正當她吞雲吐霧之際,突然有人用閃燈拍攝 Baby,嚇得她𠌥低身閃避兼彈開。

Baby之所以與蔡少芬混熟,緣於去年張晉拍攝電影《黃飛鴻之英雄有夢》時意外傷眼,當時蔡少芬北上探望照顧老公,因而與同在片場拍戲的 BB相識。

見埋家長

去年 9月,黃曉明帶埋父母來港與 Baby會面,之後黃更直踩女方寓所過夜。

日本註冊

黃曉明 Baby上周到東京賞櫻,當時黃更帶埋父母同行,據知二人亦順道註冊。

高調送車

今年 2月, Baby於大坑搞 25歲生日 party,男友黃曉明忽然現身,更送上價值 230萬的林寶俾女友。最吊詭的是,當時眾多傳媒一早收到風,齊齊見證這場大龍鳳。

《蘋果日報》圖片

連戲送花

送車期間,二人戲味十足。而一直避談戀情的黃曉明,明知有大批記者在場,更加插鮮花贈女友戲碼。

《蘋果日報》圖片

北京香港兩邊擺

其實內地一直有傳兩人已婚,「黃曉明今年 2月已經求婚成功,仲同 Baby齊齊去咗夏威夷預支蜜月,亦有傳佢哋 3月 1日已經去咗日本註冊,咁快速都因為個男人想快啲生仔。不過今年黃曉明仲有唔少工作,要到年尾先可以空出檔期擺酒。」知情者說:「以黃曉明喺圈中嘅人面,加上佢係華誼兄弟(內地知名傳媒集團)嘅股東,保守估計喺北京擺酒都起碼要過百圍。為咗就 Baby,擺完北京會再擺香港。皆因女家嘅親朋戚友大部分都喺香港, Baby仲同攝影師老死 Mikokokiki話,搵佢影結婚相同做姊妹㖭。」

記者向 Baby經理人求證,但經理人代為否認,不過當問到 Baby是否下半年放長假,經理人則冇回覆。而蔡少芬因為身在北京拍電影《大話神仙》,記者託其經理人安排越洋訪問,但一直未有回覆。至於當晚坐在蔡少芬與 Baby旁邊的張晉,被問到 Baby自爆婚訊,他則大耍太極︰「佢( Baby)同我老婆係有傾偈,但傾咩我聽唔到,你要問番佢( Ada),但佢唔喺香港喎!」

去年 9月,張晉拍劇時整傷眼,身在香港的蔡少芬亦有北上探老公,因而認識當時在內地拍劇的 Baby。

周一( 14日),蔡少芬到北京工作,於是記者就 Baby在慶功爆婚訊一事問過張晉,他未有否認。

造作真人騷

Baby與黃曉明戀情傳足 4年,一直未有公開承認。直至今年初,二人搞場大龍鳳高調公告戀情,之後更孖住曬幸福。招數浪接浪,誇張過拍戲。

暗露行蹤

今年 2月,黃曉明與父母到夏威夷度假,貼出一家三口合照。他企在舊房車前食雪糕影相,與此同時, Baby亦貼出相同背景的照片,惹人聯想。

肉麻生日周

黃曉明繼高調來港送名車冧 Baby外,在女友 25歲生日的整個星期,他更鋪排一連串慶祝活動。除了捧住署名寫上「老婆」的生日蛋糕,更送上超巨型紅玫瑰花牌。

狂曬蜜照

二人高調公開戀情後,繼續大曬恩愛。不斷上載親密舊照。當中有多張咀嘴相,又用手做出心形手勢,舊照一批接一批發放,做騷味濃。

變形 BB

Baby與黃曉明公開戀情後,隨即傳出結婚消息,熱爆全城。一直有指他們愈變愈靚,網友紛紛討論二人所生的仔女容貌,更有好心網友狂整惡搞圖。

方面矇豬眼

黃曉明年輕時樣子普通,國字口面,加上雙目無神,頭髮亦頗稀疏。

哨牙大嘴唇

現時擁有天使面孔的 Baby,當年雙唇厚大兼哨牙,鼻頭有肉,五官唔算精緻。

網友惡搞

網上流傳的惡搞圖,緣於韓國一整形中心廣告。有網友將男女主角轉為 Baby與黃曉明,暗嘲二人後天加工。



鍾意就快D Share啦!


Related Posts Plugin for WordPress, Blogger...