[忽然1周 987] 吳佩慈湊女霸氣襲港 吳佩慈,MW,

三人服侍

戴黑超兼大帽嘅吳佩慈，用肩帶孭住愛女小蕊蕊中環出巡，現場仲有三人服侍。順帶一提，吳佩慈雖然有自由行風範，但其實佢係台灣人嚟㗎！

媽咪姐

吳佩慈湊女霸氣襲港

女人係咪一定要有名份先至係幸福呢？答案係否定嘅！好似黃奕嫁咗俾富商黃毅清，結婚唔夠兩年，最終變成偷食家暴罵戰竊聽監視嘅醜聞，有名無實仲恐怖。

今年初幫富商紀曉波生女嘅吳佩慈，早前有報道指男方仔乸都唔要。正當大家以為佢冇名冇份，終須乞食時，呢位九頭身美魔女就嚟招鯉魚翻身，發相力證幸福。

不過單靠一張半張相當然證明唔到啲乜，於是吳佩慈上周帶埋 6個月大嘅愛女抵港，身體力行曬幸福。上周四（ 19日）吳佩慈兩母女喺三名親友傍實下，現身中環 ifc，除咗行街買衫呢類指定動作，最重要係佢哋臨尾踩入四季酒店，齊齊上房休息。四季酒店一晚普通房要五千蚊，冇人射住又點有本事住得咁豪。大家收到

名袋跟身

Balenciaga手袋$12,000

抱女掃貨

第一站吳佩慈先到 Zara置裝，其間 4個月大嘅小蕊蕊挨住媽咪心口瞓晏覺。之後佢哋一行幾人轉場 SHISEIDO，吳不時以手遮實愛女。

力證地位

吳佩慈誕女後，男友紀曉波被爆搭上內地女星穎兒，其後吳就發呢張一家三口相上微博證地位，好明顯佢並非口中嘅「心機比花生米還小」囉！

鍾意就快D Share啦！

下一篇 》