全城熱爆的娛樂八封新聞 & 時事趣聞 & 生活 + 趣聞
陸永同靚靚老婆 Reina一向好恩愛，成日人前人後曬 sweet，令一眾朋友對佢哋羨慕嫉妒恨。
陸永最近成日唔喺香港，又要「低俗」講 World Cup，面對一眾性感女郎，已有家室的陸永就一早向老婆打定強心針：「我已經唔識睇女仔，睇男仔我就識。」
陸永冧老婆嘅招數仲有好多㗎！早排 Reina就喺 facebook大曬老公陸永出 trip前 send俾佢嘅甜蜜訊息。而當 Reina喺屋企日織夜織手繩，以解相思之苦嘅同時，陸永亦靜靜雞 book定車要老婆上佛山陪自己拍戲，睇嚟係陸永要解思妻之苦多啲喎！
想𠱁老婆開心嘅男士，就要學陸永咁，係咁 send「愛」的訊息；老婆 Reina就喺微博曬幸福。兩公婆肉麻到呢。
陸永錫到兩個女燶，不時喺微博大曬家庭樂。
