全城熱爆的娛樂八封新聞 & 時事趣聞 & 生活 + 趣聞
Ryan每個月都會去探訪小朋友幾次，陪佢哋玩嚇唱嚇歌。
江華做慈善揸流攤，但 Mr.五子同歌神阿 Sam大仔許懷欣（ Ryan）就唔同，佢哋真係實牙實齒搞㗎！話說 Mr.八月開演唱會，收益會捐俾「麥當勞叔叔慈善之家」，幫助小朋友。 Ryan同媽咪姐講：「其實有時我都會帶自己嘅小朋友去探訪，佢哋依家仲細，希望長大後明白要幫人嘅道理。」至於 Mr.五子中，有唔少已身為人父， Alan就話：「希望改變社會對玩 rock嘅感覺，想將正面訊息帶俾大家。」嘩！好正面，大家係要支持嚇。
Ryan係兩子之父，所以特別想幫小朋友，演唱會仲會同 Alan（左）唱父親許冠傑作嘅歌。
Mr.五子同 Ryan合作搞慈善，除咗義唱外，仲設計 Tee義賣（右）。
歌神出手 〈快樂夢同行〉係許冠傑今年為「麥當勞叔叔慈善之家」而寫嘅。兩父子都好有心！
