睇嚇洪天明個表情，再加埋佢雙手插袋，會唔會誇咗少少呢？
媽咪姐
洪天明避走張慧儀
曾志偉、譚詠麟同陳百祥等有份投資嘅火鍋店啱啱開張，除咗媽咪姐有去湊熱鬧，鐵腳如洪天明、方中信、彭健新等當然喺度。大家邊食邊隊啤好鬼死高興！
唔知係咪早排因為洪天明去咗朋友夜場玩，被內地女模杜顏嘉擺咗張面貼面胸貼胸嘅合照上網，搞到見曬報！火鍋店開張當晚洪天明就好乖仔，好似張慧儀想行過去搵江欣燕嘅時候，條路鬼死咁逼，咁啱洪天明又企咗喺度，於是張慧儀就夾咗喺張櫈同洪天明中間，變咗人肉三文治。不過洪天明就好規矩，貼曬牆行不特止，仲要雙手插袋，以示自己 clear。
Um……如果老婆周家蔚唔係喺現場嘅話，唔知洪天明都係咪咁乖仔呢？
|
鍾意就快D Share啦！
|
|
|
