全城熱爆的娛樂八封新聞 & 時事趣聞 & 生活 + 趣聞
彭國樑在入境處行來行去搞改名，佢希望多點人叫自己新名彭皓峰，帶旺嚇。
媽咪姐上星期去入境處幫囡囡攞特區護照，竟然撞到前港視藝人彭國樑（彭家麗細佬）喺度搞手續。一八之下，原來佢係嚟改名，「係個風水師叫我改，舊年 6月左右改用皓峰呢個名，之後就連拍兩個內地劇，所以呢次返嚟香港，上埋律師樓同入境處改囉！希望將來愈嚟愈好。」
依家彭皓峰留喺香港陪對仔女過暑假，佢話：「有部內地劇傾緊，未落實。」對於王維基再次申請免費電視，佢都好支持：「多一個台，對成個行業都好，希望可以喇！」梗係，媽咪姐都就快悶死囉！
近日有傳佢同林峯、周麗淇舊年拍嘅《大漢賢後衞子夫》無電視台要，佢就話：「都係睇報道先知，演員都控制唔到呢啲嘢喇！」
