全城熱爆的娛樂八封新聞 & 時事趣聞 & 生活 + 趣聞
鄧小艾有鋪「聞」嘢癮，樣樣嘢都要擰開嚟聞過先，其實咁樣會唔會俾人鬧㗎？
身為祥嫂個女嘅鄧小艾，十幾年前已經俾人話同祥嫂係餅印樣，到咗依家，唔使問更加似佢阿媽。
出名眼利嘅媽咪姐日前喺銅鑼灣以為自己撞到祥嫂，睇真啲原來係小艾。真係唔好意思！佢個鬆身長裙踢拖裝，真係令人誤會曬！呢日佢行完銅鑼灣恒隆中心樓上啲護膚品店，揀唔啱心水，就轉場去咗樓下強國人最愛嘅化妝品雜貨店。睇佢喺入面行咗兩轉，好似揀到唔少戰利品，點知掃完一輪，全部放番低！呢下混吉招，媽咪姐真係甘拜下風囉。
小艾行咗幾間護膚品店都空手而回，名副其實係得個「睇」字！
祥嫂同小艾成個餅印咁，加上祥嫂又 keep得咁好，出街真係好易認錯佢哋係兩姊妹！
