2014年6月27日 星期五

[忽然1周 987] 江華影咗當捐咗 江華,MW,




之後江華主動要求到嗰個慈善團體嘅檔口。佢去捐錢?原來唔係!「唐僧」只係去同班工作人員影大合照咋。

媽咪姐

江華影咗當捐咗

媽咪姐幾經辛苦,終於等到《膠遊記》結局篇,呢個唐僧真係睇到人把幾火,集集都係俾人脅持等人救。

講起唐僧,前幾日媽咪姐喺九龍城撞到當年大台最具代表嘅唐三藏——江華。呢日江華「 chok」住咁行街,行行嚇就俾幾個慈善團體義工捉住,搵佢募捐呀!唉,唐僧出名「定力夠」,見佢仲反客為主問人哋:「你哋有幾多個人呀?帶我去你哋個攤位!」以為佢去捐錢? No啦,原來只係同班工作人員合照,以示支持喎!

江華行街上至文具舖,下至麵包舖。只不過佢真係得個行字,佢個手抽袋由頭到尾都係空嘅。

相信唔少人都同江華一樣,都試過行行嚇街俾人截住,不過江華就相當主動,問完人係邊個機構又問人 total幾多個工作人員。



鍾意就快D Share啦!
Related Posts Plugin for WordPress, Blogger...