自認無論咩人都會高過佢嘅陳慧嫻，當日著咗條高衩裙上台，露白滑靚腿之餘，仲附送埋缽仔糕！
媽咪姐
陳慧嫻騷少少
陳慧嫻上周六（ 21日）完成一連 3日紅館騷，由於 3場騷賣個滿堂紅，下年 50嘅佢，講到明有望開 part 2。
雖然即將踏入奔五之齡，不過為開騷減到得番 100磅嘅佢，著住 deep V衫同高衩裙，上露少少下又露啲啲，都叫做有啲睇頭。雖然期間唔覺意露出「缽仔糕」，不過比起平時收得密密實實，今次慧嫻姐姐都算係搏㗎喇！加上佢喺騷入面，幾乎唱曬佢那些年嘅飲歌，頭尾兩場佢又同學友、祖兒咀嘴做餘興節目，即使媽咪姐唔係慧嫻嘅 die hard粉絲，今次都絕對收貨囉！
Joey親上加親
陳慧嫻同嘉賓容祖兒喺台上咀完喺後台再咀。鬼咩！原來陳慧嫻細佬同師兄劉浩龍由細玩到大，慧嫻 30年前已經識師兄，所以祖兒同慧嫻咪親上加親囉！
|
鍾意就快D Share啦！
|
|
|
