2014年6月27日 星期五

[忽然1周 987] 陳慧嫻騷少少 陳慧嫻,MW,




自認無論咩人都會高過佢嘅陳慧嫻,當日著咗條高衩裙上台,露白滑靚腿之餘,仲附送埋缽仔糕!

媽咪姐

陳慧嫻騷少少

陳慧嫻上周六( 21日)完成一連 3日紅館騷,由於 3場騷賣個滿堂紅,下年 50嘅佢,講到明有望開 part 2。







阿倫、克勤同小鳳姐都係寶麗金年代已經識陳慧嫻,所以佢哋睇足全場外,仲玩到 high爆!

雖然即將踏入奔五之齡,不過為開騷減到得番 100磅嘅佢,著住 deep V衫同高衩裙,上露少少下又露啲啲,都叫做有啲睇頭。雖然期間唔覺意露出「缽仔糕」,不過比起平時收得密密實實,今次慧嫻姐姐都算係搏㗎喇!加上佢喺騷入面,幾乎唱曬佢那些年嘅飲歌,頭尾兩場佢又同學友、祖兒咀嘴做餘興節目,即使媽咪姐唔係慧嫻嘅 die hard粉絲,今次都絕對收貨囉!

Joey親上加親

陳慧嫻同嘉賓容祖兒喺台上咀完喺後台再咀。鬼咩!原來陳慧嫻細佬同師兄劉浩龍由細玩到大,慧嫻 30年前已經識師兄,所以祖兒同慧嫻咪親上加親囉!



鍾意就快D Share啦!
Related Posts Plugin for WordPress, Blogger...