全城熱爆的娛樂八封新聞 & 時事趣聞 & 生活 + 趣聞
52歲嘅黃日華為救老婆而憂心， 51歲嘅張兆輝就為囝囝官非煩惱，中年危機真係唔易過。
咩叫同是天涯淪落人？睇呢兩個男人就明曬嘞。前兩日黃日華同老友張兆輝約埋喺九龍城 tea一 tea。本來嘆茶吹水應該好 happy，但呢兩個好老公好爸爸就落曬形，咪就係為頭家囉！
黃日華因為要搵錢搵骨髓救血癌老婆梁潔華，搞到成個人都謝曬，身為佢老友兼波友嘅張兆輝，最近屋企都出咗事，阿仔喺學校同人爭執，仲惹埋官非。難怪兩個麻甩佬吹水吹到眉頭皺，傾傾嚇，華哥拉低個口罩，開始煲煙解愁。但係吸煙危害健康，快啲戒咗佢！咁先可以精精神神照顧老婆嘛。
華哥飲完杯奶茶，就出街邊吹煙，個樣真係好殘嚇。
患咗急性血癌嘅梁潔華，跌到 97磅，依家等緊骨髓移植。黃日華用咗 200萬救妻，囡囡芷晴就陪伴左右。
張兆輝大仔張焯鏗同同學仔起衝突，點知搞到上高院，輝哥最近真係笑唔出。
