2014年6月27日 星期五

[忽然1周 987] 黎瑞恩密謀後路 黎瑞恩,MW,




十一年夫妻反目成仇,小恩子親證已簽字離婚,但就否認有收到前夫千萬贍養費。

媽咪姐

黎瑞恩密謀後路

黎瑞恩本月初同金利來集團三少曾智明簽字離婚後,就同仔女遷出大埔凱悅酒店式住宅,搬入大埔比華利山屋苑。現時每月收二十萬贍養費嘅小恩子,有傳正式離婚後,收到前夫過千萬身家,不過小恩子話:「膝頭對上就係『俾』﹗」







老實講,以其現時一個月 5萬幾嘅屋租,加仔女嘅國際學校學費同日常使費嚟計,每個月就要十幾萬,單靠嗰二十萬贍養費,真係掹掹緊。難怪近期見佢除咗送仔女返學外,其餘時間就密密同寶麗金班舊同事見面聚會,或者約其他歌星朋友如草蜢等食飯。婚後一直相夫教子、絕足娛樂圈嘅黎瑞恩忽然咁積極,都係想搵機會搵多個錢傍身!唉!幾時都話,求人不如求己。

曾經,黎瑞恩將一家四口相放上微博曬溫馨。可惜此情不再矣!

密密見圈內人

日前移居加拿大嘅音樂人簡寧(中)回港,成班寶麗金舊同事同佢聚會,小恩子有出席,仲不經意問嚇大家圈中工作情況,又話自己不嬲有練歌,鋪路再唱。之後仲將與簡寧、湯寶如合照放上微博。

同曾智明分居期間,小恩子同昔日好姊妹劉小慧(右一)、湯寶如(左一)到泰國旅行散心。

小恩子婚變及密謀後路早有跡象,事關婚後幾乎絕足娛樂圈嘅佢,突然喺 13年舉辦《黎瑞恩慈善演唱會》,為長者籌款,明顯試水溫。



鍾意就快D Share啦!
Related Posts Plugin for WordPress, Blogger...