2014年6月27日 星期五

[忽然1周 987] 瞞公司玩地下情 龔嘉欣沈震軒 搭上半年 龔嘉欣,MW,




眼仔睩睩

二人以街坊裝行商場,機警的龔嘉欣雙眼就如偵察機,很快便發現記者鏡頭。

娛樂喧

瞞公司玩地下情 龔嘉欣沈震軒 搭上半年

龔嘉欣 18歲出道,入行短短 6年緋聞已經一籮籮, 2010年與鄧健泓拍拖兩年後分手,之後大部分都是霧水情緣。出道初期的沈震軒有「山寨版古天樂」之稱,而緋聞方面比正版古仔更多,曾與 JJ賈曉晨拍拖,分手後屢傳撻著不同女星,但訪問時仍自稱等緊真命天女。

據知龔嘉欣與沈震軒半年前悄悄搭上,最愛在將軍澳一帶拍拖跑步。早前本刊影到二人「街坊裝」出現將軍澳商場,他們發現記者後極速鬆人,非常保護這段地下情。







龔嘉欣與沈震軒同是大台旗下藝員,去年年初二人合作拍了一個財務公司廣告,才開始熟絡。

龔嘉欣( Katy)四年前與鄧健泓拍拖時只得 20歲,二人愛得轟烈,公開戀情又同居,但分手亦都分得徹底。回復單身的她傳過與港男許家傑拍拖,年初更有報道指她獲富二代力追,收 Benz做禮物,不過龔嘉欣一一否認,更大呻冇人追。

殺出富二代

據知半年前龔嘉欣搭上 JJ舊愛沈震軒,為了形象至今仍瞞住大台。「佢哋喺去年 8月被傳媒影到喺活動後行超市,其實嗰陣仲係了解階段,但突然殺出個富二代追 Katy,沈震軒縮沙囉!後來 Katy同富二代散咗,沈震軒又再出擊,之前已經互有好感,大家都住將軍澳,咪成日約埋買餸玩煮飯仔,佢哋半年前先正式撻著。之前 Katy同鄧健泓一齊太過招搖,分手嗰陣好麻煩,又影響形象,佢見過鬼怕黑,所以今次玩地下情!」知情者透露。

兩人為保密戀情,拍拖地點只集中在兩人分別位於將軍澳的寓所附近。由於龔嘉欣與好姊妹姚子羚同住,故大部分時間都是女方去男方屋企。而近年龔嘉欣經常到寓所附近跑步,有街坊指:「成日都見佢(龔嘉欣)喺維景灣畔對出嗰條行人徑跑步,平時嗰度冇乜人,有次仲見到沈震軒一齊陪跑㖭!」

本刊早前影到龔嘉欣與沈震軒一身街坊裝,在將軍澳新都城商場行街。龔嘉欣警覺性甚高,不出 5分鐘已察覺到附近有記者,並出手輕拉男友手臂示意,二人隨即加快腳步,於多人的超市內左右穿插撇甩記者。

手貼手逛街

上月 26日下午 4時許,龔嘉欣與沈震軒在將軍澳新都城商場閒逛。兩人行得非常埋,不時手貼手。

通知男友

龔嘉欣即時輕拉沈震軒的手臂,示意有記者在場。

搵路即閃

見慣大場面的沈震軒,一臉鎮定望向鏡頭,確定記者位置後,向右指一指,叫女友向右邊快行,走入人群中。

直認有陪跑

其實男主角沈震軒情史一樣精彩,雖然被冠「花心男」,但他早前向記者放風:「我好想拍拖,但冇時間。」

對於與龔嘉欣撻著半年,沈震軒上周二( 17日)透過電話回應,並大讚女方:「呀!我哋係好好嘅朋友,因為 Katy最近要搬屋,所以咪陪佢行街買嘢囉!(有人見到你哋拍拖跑步!)我哋好 friend,間中都有一齊跑步。(有冇發展機會?)我冇諗喎!依家都係朋友關係,我一拍拖就諗結婚對象㗎喇! Katy係個好爽直,幾好嘅女仔,好鍾意笑。我都係鍾意女神。(邊種女神?)好似 Suki(徐淑敏)成日笑嗰種囉!(你俾人話花弗喎!)梗係唔係其實我好專一。依家都係想專心工作。」而龔嘉欣的電話一直飛去留言,截稿前仍未有回覆。

地下情難經營, 31歲的沈震軒的事業正值上升期,接拍電視、電影之外,更簽唱片公司做歌影視三棲藝人。 24歲的龔嘉欣近年亦受大台力捧,新劇擔任第三女主角。公開戀情?唔怕俾公司雪藏咩!

跑步徑露馬腳

近月龔嘉欣與沈震軒不時被目擊孖住跑步,二人又咁啱放了單人的跑步相上微博。心水清都睇到係同一條跑步徑,跑步不忘互影,真係有情趣。

520送花冧女

上月的 20日,龔嘉欣在微博大曬收到花,看來沈震軒都好識冧女。

惹火男女

論惹火程度,沈震軒同龔嘉欣不遑多讓。沈震軒高大型仔,先後與多位女星傳緋聞,緋聞女友均大讚他細心。而龔嘉欣自與鄧健泓分手後,口味有所轉變,鍾情大隻型男。

沈震軒投其所好

沈震軒 2010年拍旅遊節目與 JJ日久生情,有指因女友事業如日中天,女尊男卑而分手。 2011年他與徐子珊拍劇收工後撐枱腳傳緋聞,更相約一齊練舞。去年爆出沈曾與已故歌手陳僖儀拍拖,後被拍到與同唱片公司的 Elfa邱念恩睇騷,請食飯兼送返屋企。未幾又傳他因拍電影與華姐倪晨曦撻著,同遊主題公園被斷正。

賈曉晨

陳僖儀

徐子珊

龔嘉欣專吼大隻仔

龔嘉欣於 2012年後被指戀上港男許家傑,並與鄧健泓分手,但遭許家傑女友在微博狠插是「狐狸精」。去年年尾她再戀上 30歲富二代兼髮型屋老闆陳世俊,更收對方開篷 Benz跑作訂情禮物。

鄧健泓

許家傑



鍾意就快D Share啦!
Related Posts Plugin for WordPress, Blogger...