2014年6月25日 星期三

[FACE 370] 愛回羅天宇家 殘廁 Coffee驚爆慾照 Coffee,羅天宇,BKD_S,林芊妤,MF,




本刊曾收到神秘讀者提供多張羅天宇與 Coffee的親熱相,而拍攝時間,多數係上午或晚上。

封面

愛回羅天宇家 殘廁 Coffee驚爆慾照

《耳分高下》出身的「 Sing之天使」林芊妤( Coffee),上週二( 17日)被爆跟上市公司達利國際集團有限公司 CEO林知譽( Will)在 ifc「殘廁 Gathering」,而成為城中熱話。 Coffee於娛圈發展麻麻,卻釣到身家達 9億的闊少,廁內精彩對話和淫聲蕩語,確令全港「 O」嘴。

其實 09年入行的 Coffee,除了冧掂闊少,亦成功俘虜過小生。入行冇耐, Coffee便與《愛.回家》當紥小生羅天宇撻著,影下唔少親熱相。慾照再流出, Coffee誓神劈願話:「我唔係做新聞搏上位嘅人,啲相係我朋友放上去……。」 Cammi當年都係咁話喎,仲有冇激啲呢?

Coffee揸機

09年 8月 17日 21:31pm

Coffee同羅天宇拍拖期間不時玩自拍,相中可清楚看到 Coffee舉臂揸機。二人拍拖年多之後因為各有各忙及性格不合分手,但二人現為好友。 Coffee說:「我哋𠵱家仲有聯絡好似兄妹咁。」

24歲林芊妤 Coffee 09年於《耳分高下》擔任「 Sing之天使」,入行 5年來多演閒角,最令人留下深刻印象只有上年在《衝上雲霄 II》穿三點式胸壓馬國明。上週二( 17日)被爆跟達利國際集團有限公司 CEO林知譽( Will)撻著,被影到雙雙步入 ifc的傷殘人士洗手間纏綿,其間 Coffee更於廁格發出急促呼吸聲,即令 Coffee成為新聞人物,更被封「殘廁天後」。

09年 9月 18日 21:56pm

羅天宇家境不俗, 09年他家住元朗朗翠巒豪宅,同 Coffee拍拖時二人經常匿喺屋企日對夜對,自拍照中亦有羅的家居相。

09年 9月 18日 21:56am

Coffee話出賣佢嘅朋友,將 Coffee同羅天宇所有咀相存檔,之後發放畀本刊。奇就奇在啲相大部分是咀嘴,暫冇床照或裸照流出。

偷影瞓樣  09年 8月 17日 13:10pm

21歲嘅羅天宇夠 pure,連女友 Coffee都忍唔住偷拍佢瞓覺樣。

右髀「咖喱雞」  09年 8月 17日 20:58pm

當時二人打得火熱,在床上的 Coffee更將大髀疑似咖喱雞拍低。

09年 8月 28日 10:49am

當時 21歲的羅天宇,雖然未瞓醒被 Coffee影相,但依然靚仔。

拍《四葉草》撻著

殘廁事件發生後, Coffee除了被揭專釣金龜,更於電視台四圍溝仔。事實上, Coffee入行後,幾乎冇停過拍拖。 09年,當時 20歲的 Coffee拍四葉草第四輯的《南華夢飛翔》期間,跟同劇對手,現《愛.回家》當紥小生羅天宇撻著,二人熱戀時更影下唔少親密照,之後本刊更收到神秘讀者提供相片。

跟小生慾照流出,再加上上週被撞破跟億萬闊少於「殘廁」纏綿,令外界質疑 Coffee造新聞搏上位。現身在內地的 Coffee,上週末接受本刊電話訪問,她激動澄清:「我係唔會夾新聞,我寧願冇新聞,我係電腦白癡。 09年我啱啱用 iPhone唔識 back up啲相……總之係有個朋友幫我整曬所有呢啲嘢(電話資料),佢幫我 back up後就出賣咗我囉。佢就覺得好玩,跟住畀咗記者。我同羅天宇係和平分手,但𠵱家仲係好朋友,關係好似兄妹咁,我同佢媽咪關係亦好,我叫佢做媽咪。」

Coffee同羅天宇因拍四葉草電影《南華夢飛翔》而撻著,而羅之前亦同 DaDa Lo盧頌之拍拖。

「殘廁事件」發生後, Coffee除咗喺自己 fb貼文認錯,亦公開鞠三次躬認錯。上星期她說:「我知自己做錯咗。」《蘋果日報》圖片

網上圖片

Coffee雖然喺大台發展平平,不過近兩年專攻瑜伽。現為瑜伽教練, Coffee話:「我主要教中環客。我𠵱家收 1千蚊 1個鐘,一星期都有 3、 4堂,再加埋國內登台,其實夠我生活。」

羅天宇媽撐 Coffee

Coffee跟羅天宇 09年拍拖, 10年分手,不過 Coffee就深得羅母歡心,雖然 Coffee最近負面新聞多,但羅母仍向本刊讚 Coffee。

羅媽對 Coffee愛護有加,上週六羅媽接受本刊訪問時,羅媽仍讚 Coffee,「佢好好,係一個好女仔嚟!」

Coffee舊愛羅天宇現為《愛.回家》主角,劇中飾演馬子仁,形象入屋,是大台上緊位小生。

「唔知佢屋企有錢!」

Coffee說跟羅天宇是因為各有各忙而分手,她隨即同無綫有米奀星潘宗揚( Dan)拍拖。雖有指 Coffee跟潘宗揚未正式分手,今次同 Will「殘廁」纏綿係背男友偷食,不過 Coffee強調二人其實於上年分手:「我同 Dan已經分咗手差唔多半年。」

而事件男主角 Will據知身在杭州,於分公司工作避開香港傳媒。 Coffee跟 Will正處於冷靜期,但 Coffee說跟 Will仍保持聯絡, Coffee更說從來唔知 Will是億萬富二代:「我哋係朋友介紹下認識,我開頭連佢中文名都唔知,佢話過每日都要開會,我就冇再追問落去。如果我知佢屋企咁有錢,我自己都唔會高攀,我亦唔會夾呢啲新聞。件事發生後我哋仲有聯絡,佢係一個好關心別人嘅人,但我覺得𠵱家唔好諗拍拖住,等件事淡咗先。」你信唔信先?

件事幾時淡就未知,不過殘廁事件已觸動大台神經,樂易玲更話「唔會姑息」。不過 Coffee雖為大台合約藝員,但其實主力教瑜伽,她說:「我啲客係中環客,我 1個月搵 2、 3萬唔成問題」,至於幾時由國內返港蒲頭,她再次重複:「都係等件事淡咗先!」

著男友波褲

Coffee同羅天宇打得火熱,單係呢張 Coffee著羅天宇衫及大碼波褲,就知當時二人有幾親密,唔知係咪真空呢?

Coffee同羅天宇分手後,隨即同當時無綫藝員潘宗揚( Dan)拍拖,二人不時上載 kiss咀短片或相。網上圖片

潘宗揚家境不俗,不過對 Coffee相當專一,拍拖冇耐二人已有結婚打算。最後雖然分手,但潘對 Coffee仍然相當關心。網上圖片

潘宗揚現為獸醫,更在國內開獸醫診所。據知他曾建議 Coffee不要做藝員,可惜 Coffee拒絕。網上圖片

Coffee憑「 Sing之天使」入行,多飾演性感閒角,上年喺《衝上雲霄 II》著三點式色誘馬明一幕令觀眾留下深刻印象。電視畫面

Coffee喺大台第一個工作係《耳分高下》「 Sing之天使」,同期出道有劉俐,及最近做咗彭順小三嘅 Liddy李悅彤,兩人是老死。

網上圖片

Coffee新歡林知譽今年約 31歲,為達利集團太子爺。林出身富裕家庭,在中文大學取得計量財務學學位後,更於全美排名第 2的普林斯頓大學( Princeton University)進修,並取得碩士學位, 11年,他的公司便請到陳法拉為其品牌任剪綵嘉賓。

「唔好屈我」

Coffee因喺殘廁 Gathering而出名,隨即被揭跟大台唔少台前幕後男人都有密切關係,包括助導及兩位已婚上位監製,不過 Coffee斬釘截鐵否認:「林肯同兩位監製只係工作上交流,唔會講電話,唔會 message更加唔會拍拖或者溝佢哋,唔好屈我。」

監製文偉鴻

網上圖片

有傳 Coffee冧掂監製文偉鴻,不過 Coffee就話:「 Jazz好錫我,畀好多機會我,但絕對唔係報道所講嘅關係。」

監製陳維冠

網上圖片

Coffee拍《衝 II》有指姣冧陳維冠,更搞到其妻向樂易玲告狀。 Coffee說:「《衝 II》嘅通告係 A.A.(製作統籌)接觸我,我完全冇同陳維冠接觸過。」

助理編導林肯

網上圖片

有報道話 Coffee唔只冧演員同監製,就連 P.A.都唔放過,「傳我同林肯簡直亂嚟,我只係同佢《衝 II》合作過,就係咁多!」



鍾意就快D Share啦!
Related Posts Plugin for WordPress, Blogger...