2014年8月22日 星期五

[忽然1周 995] 任達華琦琦好寃氣呀! 任達華,MW,




任達華同琦琦結婚 16年,依然恩愛。淨睇華嫂次次影相交叉腳企,就晒老公,就知乜嘢叫默契!

媽咪姐

任達華琦琦好寃氣呀!

一張牀褥價值 60萬,有幾多人想試下瞓呢?媽咪姐呢刻好想做任達華同琦琦呀!皆因佢哋周一( 18日)拍住拖出席寢具品牌 De Rucci Bespoke嘅香港旗艦店開幕,有錢收之餘,老闆話連牀褥都送埋俾佢哋,真係 happy到不得了!

華哥話:「我鍾意瞓硬嘅,琦琦鍾意瞓軟嘅。所以佢哋送一張牀褥俾我,一邊係硬嘅,另一邊就係軟嘅,中間就軟硬適中俾個女瞓。」媽咪姐問琦琦,華哥瞓覺有冇鼻鼾?佢竟然話:「冇㗎!佢瞓覺個樣好 sweet,瞓醒都係笑住……(咁華哥每朝起身係咪錫你一啖?)唔止喇……」老婆都未講完,華哥就插嘴話:「睇件衫就知道我錫得唔夠啦,你睇下佢着嗰件衫幾多唇印。」嘩,寃氣到呢!傾傾吓,媽咪姐對眼唔覺意俾琦琦隻大大粒鑽石戒指𥋇親,佢冧笑話:「老公上年送……」呢個 moment,身旁嘅華哥又插嘴話:「鍾意嘅,繼續去買……」 Wow!媽咪姐真係好羨慕琦琦呀!

成手鑽石

琦琦手上粒閃爆嘅鑽戒冇 10卡都有 8卡,仲戴埋鑽石鏈,真係𥋇死人喇!

雖然任達華開到聲任琦琦去買鍾意嘅嘢,不過琦琦見老公拍戲咁辛苦,亦話唔會亂花老公嘅血汗錢。

慕思國際總經理鄭旭光知道劉思希瞓緊品牌嘅特價牀褥時,佢即刻派片,叫女方 call佢。咦,唔通想俾個 discount靚女買貴貨?

甘國亮為咗幫設計師老友影相,竟然跳上張幾十萬嘅牀度。不過佢都好規矩,雙腳冇踩過落去㗎!



鍾意就快D Share啦!
Related Posts Plugin for WordPress, Blogger...