網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年8月20日 星期三

[FACE 378] 一人一個最想佢消失於 電視螢幕的大台藝人 MF,




梁思浩

全知言

一人一個最想佢消失於 電視螢幕的大台藝人

香港畸形,一台獨大,來來去去都係嗰啲藝人,老甘草更加只得小貓幾隻,唔好話全知言睇到反眼熄電視,其他觀眾一樣睇到火滾。

呢個 moment,有冇邊個大台藝人,你最想佢消失?








樂易玲

梗係樂易玲「樂大媽」(佢唔係藝人喎?)佢以前都喺邵氏做過藝人㗎!大家見到啦,自從佢入咗大台之後,大台就冇運行喇,佢呢條叫劏豬凳命呀!如果大台炒咗佢,肯定好多藝人免費返大台拍劇。其實觀眾會係最大得益囉!如果樂大媽真係要轉行,我都幫佢諗好喇,轉行做睇相。嗰時佢同我講:「我𠵱家炒你,你唔驚啦,你出面咁多嘢做。」真係畀佢講中,我𠵱家真係好多嘢做喎!我鍾意 TVB㗎,係唔鍾意樂大媽之嘛!

譚耀文

羅蘭姐真係一個好好,超級嘅演員,超級嘅影后。曾經美麗,絕頂性感,現在戲路縱橫,所以我覺得好多電影係等住佢去做嘅,好多好有火嘅老人家角色,媽咪嘅角色,等住佢去幫我哋電影出一分力,去救市。

羅蘭

張文慈

我想係琴姐囉!因為琴姐係一個好好好好嘅藝人,我知道佢身體狀況,呢個年紀,我希望佢享清福,可以好好保養佢嘅身體。

李香琴

艾威

我希望就唔係消失,而係希望佢退休,安享晚年嘅呢,就係夏萍姐!佢喺螢光幕前表現得非常之活潑生猛,但佢一離開咗個鏡頭,佢係好需要啲後輩去照顧佢。你知道佢又唔係做主角嘅位,好多時會將拍攝嘅場口擺到最後,或者(要佢)一早要返工比嗰啲主角多啲時間休息,咁對佢呢啲老人家嚟講係辛苦咗少少。

夏萍

街坊大膽鬧

要同行評論同行真係唔係個個敢,大眾市民就冇負擔,花旦小生通通照鬧。

陳女士:「沒女」 Meggie

「沒女」!我覺得好討厭囉,我一見到就想轉台,無論主角、導師都係!首先好負面啦,同埋佢哋好誇張,導師又好惡,覺得好似做戲咁,好假!我淨係睇過第 1集啫,嘩,嗰個 Meggie,真係好唔想睇到佢。

黃爸爸: Bob

阿 Bob就麻麻喇!成日都係見到佢。唉,見到佢嘔呀!口才普通仲有個莊思敏麻麻呀!嗰個節目我個女成日睇㗎,好做作呀!

黃小妹妹:阮兆祥

阮兆祥佢扮女人嗰陣時塊面好圓,好好笑,不過又好核突囉。

黃哥哥:楊怡

有陣時啲動作,表情誇咗啲囉,啲女嗰啲囉!啲醫生戲嗰啲囉!(即係楊怡?《 On Call 36小時》?)都可以咁講!



鍾意就快D Share啦!


Related Posts Plugin for WordPress, Blogger...