阿銀其中一間鋪頭「紅星布坊」主力賣布，阿銀刻意打扮成「白雪公主」娘版，不斷打電話 call客，又檢查樣辦，有客人時更要親自招呼，冇時停。
真面目
沒女當家 揸 2鋪 1樓 仔女老公冇影 富貴阿銀唔去反佔中
《沒女大翻身》晚晚播，一班「沒女」參加者外表騎呢性格惡頂，導師亦被指唔夠專業，經常拍枱咆哮，惡過迫人碌卡買嘢的黑店 sales。
其中一個「沒女」、 6年前由內地來港的新移民阿銀（黃杏銀），在記招當日喊住大叫被香港人歧視，夢想中港再冇矛盾，激動到好浮誇的表情動作，呃得網友注意，更為佢剪了一段名為《阿銀的夢想》短片！
自稱靠自己一手一腳開了兩間鋪同買到一層樓的阿銀，口口聲聲想要中港和諧，但週日（ 17日）竟然冇參加以「社會共融」為名、大批陸客參加的反佔中遊行，反而落樓睇平衫掃平貨。睇吓呢個有鋪有樓的新移民，唔多稀罕 300蚊遊行費喎！
繼「醜女」 Meggie、「公主癌」 Toby同「大懶蟲」阿怡，週一（ 18日）輪到「蝗蟲」阿銀出場。 6年前嫁來香港的阿銀，其實唔算冇錢冇事業冇希望的「沒女」，比起其他參加者，阿銀家陣有樓有鋪，同老公及一對仔女住在大角咀自置物業，生活不知幾美滿！
唔使住劏房
由清遠來港的阿銀，初到港時在粥店做侍應，後來轉做布行，儲夠錢再開鋪做老闆。阿銀在 10年 5月以 150萬買入大角咀一個 325呎近 40年樓齡單位，現時物業已升值至約 310萬，唔使捱劏房。另外，阿銀在深水埗汝州街有兩間鋪，一間賣布一間賣衫，各有三名員工幫手，頗有規模，阿銀每日都會以老闆娘身分在鋪頭坐陣，反而絕少見到傳聞是的士司機的阿銀老公現身。
靠自己捱出頭，兩鋪揸手的阿銀本來唔需要參加《沒女》，但原來阿銀有個患兔唇同鬥雞眼的細女， 6個月時已要戴眼鏡，出街亦受盡歧視，令阿銀決定參加節目提升自信，唔再驚被人睇低。
專吼平價衫
在節目誓師大會當日，阿銀嗌到走音，強調自己「冇攞綜援」，更有一個夢想，希望「唔好再歧視我哋出身，唔好再歧視我哋帶有口音嘅廣東話！」
講到七情上面、口水鼻涕一齊流，以為阿銀會同其他新移民一樣，積極參與社會親中活動，尤其係週日（ 17日）舉行的反佔中遊行，點知當日唔使睇鋪的阿銀，寧願落街買平衫掃家品，執到一袋二袋先施施然返屋企歎冷氣。本刊記者趁阿銀返屋企時上前傾偈，但阿銀全程封口唔答，極速拉埋大廈鐵閘衝入去。
相比起為 300蚊遊行費同免費午餐的草根新移民，阿銀明顯唔志在，更加唔會犧牲假期，出力爭取佢口中的中港和諧夢想！
阿銀 6年前嫁畀揸的士嘅老公，由酒樓工人做起，今日已經榮升老闆娘。
肥 Cat都瘦過
《沒女》極品一個接一個，稍後出場仲有「失戀天后」 Catherine。中大畢業的 Catherine，原本樣貌標緻又斯文得體，點知 3年前俾仔飛後開始暴飲暴食，身形由楊怡變欣宜，更辭職收埋自己做宅女！雖然 Catherine未出場，但初步感覺冇其他參加者咁惡頂，分分鐘有機會脫離「沒女」行列！
|
鍾意就快D Share啦！
|
|
|