[FACE 378] 睇辦 三級𡃁模輪上星爺 星爺,周星馳,MF,

錢國偉做媒

早前星爺四出為新戲《美人魚》睇景，呢套戲嘅導演錢國偉都有份做評審選美人魚，難怪有咁多人報名參加！網上圖片

真面目

睇辦　三級𡃁模輪上星爺

識睇一定睇周星馳！星爺出品一定收得，好似上年嘅《西遊·降魔篇》，打破埋華語片記錄，埋單收 12.46億人仔，成為全球最賣座嘅華語電影。

星爺新戲《美人魚》 11月就開拍，最近搞咗個網上角色招募，吸引超過 10萬人報名，當中唔少香港模都想分一杯羮㗎！經過一輪惡鬥後，拍過三級片《微交少女》、又係城城緋聞女嘅許雅婷（ Kabby）成為香港區冠軍，而形象 2級半的寸嘴 Barbie同蔚雨芯都進入 43強，去晒北京進行第二輪選拔。究竟邊個做美人魚、邊個做鹹魚呢？

其他影片：>>𡃁模輪住上　「城嫂」 Kabby游埋星爺身

網上報名參加者所遞交的短片，星爺、錢國偉和陳慶嘉都會開會一齊審批，好嚴謹㗎！

網上圖片

網上圖片

「城嫂」 Kabby：想見星爺真人！

Kabby許雅婷係性感女神周秀娜師妹，又同城城傳過緋聞被封「新城嫂」，本身唔係 sell開性感路線嘅 Kabby，竟然喺《微交少女》同糖妹前度何浩文拍床戲兼被輪姦演出，據知 Kabby亦用咗《微》嘅電影 trailer應徵，最終喺海選以接近 100萬高票數，揮低香港其他對手， Kabby臨出發去北京就對本刊說：「其實自己都唔知係香港票選第一位，不過自己仲係新人，勝在感覺夠 fresh，最希望可以見到星爺真人自己仲特登走咗去學游水添！」無端端做咗大熱，可能遲有可能做埋美人魚添喎！

Kabby表示唔知自己得票最高，仲話自己特登走咗去學游水，又真係好有誠意㗎！

甚少賣弄性感的 Kabby，喺《微交少女》同何浩文有床戲，又要被輪姦，唔使拍騎呢短片都入咗 43強。

網上圖片

Kabby喺《微交少女》首映認識郭富城，之後演出舞台劇《伊甸》時，城城專程到後台為佢打氣，即刻傳做「新城嫂」，不過 Kabby就話：「可能佢係嚟撐 Jessica C.啫！」擺明唔靠緋聞上位。

Barbie游上京

29歲寸嘴超齡𡃁模 Barbie夏尉喻，參選港姐、亞姐寸寸貢，被傳媒封為「寸嘴 Barbie」，之後就全力行性感，經常大晒 36G上圍，早前仲係《喜愛夜蒲 3》有半裸演出！為咗吸引星爺， Barbie着上人魚裝，喺泳池拍咗條用普通話 rap嘅短片應徵。 Barbie說：「自己平常心參加，因為喺 11萬人中都入到 43強真係好幸運，𠵱家都係當吸取經驗，十足上京赴考，希望香港嘅鄉親父老都支持我！」 Barbie都講到明只為求一個角色，鹹魚都唔介意做。

為求一個角色，寸嘴 Barbie可以去到好盡，着住人魚裝喺泳池用普通話 rap，雖然成條片都無厘頭，仲勁多負評，不過真係畀佢入到圍。網上圖片

寸嘴 Barbie網上得票排行第 9，仲話鹹魚都唔介意做，唔知星爺又點諗呢？

蔚雨芯凸圍

21歲蔚雨芯（ Rainky）有「魔鬼胸」之稱，入行前參選過港姐但冇入圍，之後轉做歌手，出過寫真集《 Rainky Cosplay Artbook》和個人專輯《 RAINING》，每逢出席活動仲會性感打扮添！不過轉投新公司後就踩入影壇，前排演出三級片《微交少女》，對於海選中得票 60萬， Rainky都好興奮咁話：「星爺係我偶像，作為新人好想識佢，因為我信嚴師出高徒。」咁識講嘢，星爺 buy唔 buy？

Rainky賣肉 sell性感是常識吧！唔知今次又有咩殺手鐧應付星爺嘅考驗呢？

Rainky成功進入 43強，去到北京第一日已經同粉絲分享，驚死你唔知。網上圖片

黑馬

有「 G奶謝安琪」之稱嘅崔碧珈，網上排行第 15位，同樣進入 43強，有樣有身材，都算係黑馬。

落選

《蘋果日報》圖片

殘廁 gathering響朵嘅 Coffee雖然都有參選，不過就無緣晉升 43強，唯有繼續教瑜伽。

點先可以做美人魚？

1.有樣有身材

2.要唔介意做醜角，冇偶像包袱。

3.做美人魚，識游水是常識吧！

4.一定要後生，老模恕不接受。

鍾意就快D Share啦！

下一篇 》