【「房東」涉毒】暗寸公安借刀殺人 上海富二代戥房東不值
2014-08-20 10:55:00
黃毅清今日凌晨於微博發功撐房東，暗寸公安想殺一警百，但呢則微博已被刪。
祖名同柯震東今次「出事」，亦揭發兩人毒齡，一個八年一個兩年，仲係祖名「引領」柯震東抽第一口大麻。不少人爭議「大麻係唔係毒品」嘅同時，其實根據中台兩地法律，房東二人的確係犯咗法。
親者痛仇者快，但為房東感心痛的圈中人不少，足證兩人確是人緣不俗。噚日有何韻詩力撐，反遭網民譏「顧掂你自己先啦」，之後亦陸續有藝人隔空力撐房東，但都係全部唔開名，包括柯震東舊愛蕭亞軒(詳見另文)。
其中側田就發了三個po，分別寫道:「Please be ok, brother . Pray for u」、「'm so worried about u , my brother . U must be ok」同埋呢段:「一個心這麼好的人，受到這樣的批評，我真的不能不說話。社會覺得他做錯，我們是誰去批評？誰是聖人啊？你是聖人嗎？」
至於內地著名富二代黃毅清，同祖名未必太熟，但都有連發兩po，其中一個，又係貼完就刪。其實黃生成日都係咁樣彈弓手，真係眼快先睇得到。
黃毅清寫道:「感覺北京警方最近是要給中國娛樂圈洗牌的節奏，本著『抓上百個平民，不如抓一個明星的規則』，京城的捕快效率超頻賽娛樂記者啊。南有東莞掃黃大隊，北有明星隕落小組，面對暴露在外的明星弱勢團體，秉持趕盡殺絕的騎虎姿態，一旦抓到就別想翻身了。『犯錯確該受懲罰，但何必趕盡殺絕硬把人曝光來遊街』？」睇完之後，大家都或者聯想到點解呢位富二代要刪po。
之後黃毅清再寫道:「哎，只不過表達一下人人都有犯錯的時候，不要因為是明星就這樣公告全天下逼得人家沒路走，結果變成我在支持明星吸毒了……看來最悲哀的就是那小部分整天網上像憤青一樣網路刁民。一邊嚷嚷著要和美帝一樣人權自由，一邊又肆無忌憚的抨擊一切在他智商範圍內一知半解的內容。洗剪吹和非主流全是這幫人……」
黃毅清微博
吳克羣微博
側田
|
鍾意就快D Share啦！
|
|
|