2014年10月3日 星期五

[忽然1周 1001] 河國榮布偉傑 同鬼唔同命 河國榮,布偉傑,MW,




拍咗廿年戲嘅河國榮一直想出碟,可惜講咗咁耐,都未出到,相反一哥(右圖)已經着手錄歌。唉,兩個都係過江龍,可惜際遇大不同。

媽咪姐

河國榮布偉傑 同鬼唔同命

媽咪姐日前去咗九龍城一個生日 party,以前喺大台拍劇嘅河國榮同布偉傑(一哥)都有出席,唔講唔知,原來呢兩個老外都係唱得之人。河國榮偶像雖然係張國榮,不過嗰晚佢反而唱譚校長嘅〈情是永遠着迷〉送俾壽星女,而一哥就唱自己嘅飲歌〈流星機〉。其實 49歲嘅河國榮一直都好想出唱片,不過一直搵唔到機會,反而一哥就會推出首張 EP,佢仲話:「我係好鍾意唱歌,呢個月會喺自己網站播新歌,已經拍咗 MV。依家拍埋兩個劇,之後再錄埋啲歌,下年就出得。」

(左起)布偉傑、喬寶寶、河國榮同屬當年大台「過江三條 A」。大家梗認得!



鍾意就快D Share啦!
Related Posts Plugin for WordPress, Blogger...