全城熱爆的娛樂八封新聞 & 時事趣聞 & 生活 + 趣聞
高麗虹跟住老公去拍戲之外，又似小 fans咁，攬到實，聽佢唱歌。 So sweet！
邊個話老夫老妻唔做肉麻嘢㗎。睇吓大哥大洪金寶同佢老婆高麗虹早前，大哥大自導自演嘅電影《老衞兵》喺東北拍攝幾個月，出名鍾意包伙食嘅佢，長期掌廚，又要睇實部戲，身兼多職，咪話唔辛苦。前幾日見套戲煞科，佢就請晒全劇組去唱 K慶祝，慰勞大家。但係大哥大歌王上身，揸住支咪冇放過，係到老婆開聲佢至肯讓咪。轉個頭支咪又去番大哥大度，今次仲多咗個 fans，高麗虹攬實老公，個樣冧到好難形容。呢啲咪恩愛囉！
唔一定係歌手先有聽眾嘅，睇吓班幕後幾捧場。
有份客串嘅台星彭于晏帶咗台灣「洪瑞珍」三文治去片場，送俾劇組做手信。
大哥大話為部戲打咗唔少人情牌，劉華係其中一個，仲有唔少動作場面㖭。
點知大哥大食完，話自己都識整，第二日就炮製咗幾盤拎去現場，淨睇個樣真係冇得輸。
