【新鮮娛頭】離無綫靠自己 石天欣創業賣衫
2014-10-03 07:30:00
(攝影﹕陳俊強)
政府施政屢見其弊，去年10月拒發牌畀香港電視，令一台獨大嘅無綫更加惡，早前喺半年有7億盈利下，照裁員50人。藝人為咗謀生都要自尋出路，先後離巢嘅李思欣同石天欣開始學做生意，天欣仲係首次創業，喺葵芳開咗一間僅百餘呎嘅時裝店，佢表示：「今次同朋友夾咗幾萬蚊，專賣日韓同內地貨品，因租金貴，我哋仲會上網宣傳。」問佔中有冇影響生意？佢就話：「呢啲唔重要，我都有兩日去咗支持爭取民主。」
李思欣嘅投資就比較多元化，繼日本餐廳、火鍋店及網上鑽飾生意後，最近再以六位數字入股荃灣一間佔地近六萬呎嘅保齡球場，裡面仲有掟飛鏢、腳底按摩及餐廳，思欣表示，每星期都會落場打躉，佢話：「因做開食肆，我主打都係落餐廳。」她直言佔中對喺香港區嘅食店生意有影響：「其實我都支持學生運動，但如果拖嘅時間太耐又會影響民生，做老闆都好無奈。」
石天欣開時裝店，事事親力親為。
李思欣入股保齡球場，更主理當中的餐廳。
首次做老闆的石天欣為搵食，連網上宣傳都要自己做。
|
鍾意就快D Share啦！
|
|
|
