全城熱爆的娛樂八封新聞 & 時事趣聞 & 生活 + 趣聞
巴塞隆拿嘅聖家教堂係遊西班牙必到景點，好宏偉呀！
王賢誌（ Vinci）早前同朋友去咗兩個幾星期歐洲旅行，其間梗係食得好住得好佢出發前仲問咗梁詠琪個西班牙籍老公 Sergio有乜好介紹㖭，「趁未開學放吓假，因為開學後，《東華》會有好多嘢做！ Sergio寫咗個好長嘅 email俾我，裏面有好多餐廳嘅資料，我就跟住去食，都 ok㗎！真係多謝佢，我仲將呢個 email俾咗翁嘉穗，好嘢要同人分享。」
估唔到嘅係 Vinci回港後，發現瘦咗幾磅，「我喺米蘭每日食兩杯雪糕，仲食 ham，都唔知點解。」嘩！食極都唔肥，仲想點先。
Vinci同梁詠琪兩公婆，耐唔耐就相約食飯見面，有 Sergio介紹，必無錯。
Sergio推介位於馬德里嘅 food count， Vinci仲同大廚合照，相中嘅西班牙炒飯只賣大約一百元港幣，抵！
Vinci喺法國租住 apartment，仲同屋主合照，「佢好信任我哋，我哋可以任聽佢嘅 CD㗎。」
