全城熱爆的娛樂八封新聞 & 時事趣聞 & 生活 + 趣聞
甜美靚 B 汪圓圓、蔡加讚囡囡 Celine未足一個月大，皮膚白裏透紅、面額飽滿、下巴尖尖，同爹哋好似樣。
周日（ 28日）單「催淚彈事件」嚇親港人，好彩香港仲有喜事嘅。好似「玩具大王」蔡志明孻仔蔡加讚同汪圓圓咁，早喺 9月 6日生咗 B，依家開始派薑醋俾親友，仲公開囡囡 Celine新相㖭。
睇吓佢面仔圓圓、下巴尖尖，瞇埋雙眼，同爹哋蔡加讚個樣，真係餅印一樣。汪圓圓仲話囡囡食得又瞓得，好健康，重咗唔少。媽咪姐聽到佢咁講，都戥佢開心。
汪圓圓同蔡加讚兩個笑容都鬼咁甜，不過睇加讚呢個瞇眼樣，囡囡暫時似爹哋多啲喎！
特色薑醋 周二（ 30日），汪圓圓兩公婆向好友、傳媒派薑醋。由心意卡到包裝，係佢哋同 BB嫲嫲蔡李惠莉設計，薑醋仲用小瓦煲裝住，裏面有 4隻雞蛋加豬腳，好重手。
