掃呢頁CODE去手機

2014年11月20日 星期四

[壹週刊 - 1289] 冇運行 余詠珊大力打壓 陳嘉桓衞志豪封殺鴛鴦 陳嘉桓,M1,




日前衞志豪和陳嘉桓去銅鑼灣拍拖,二人十分警覺,沿途保持距離,步至橫街才並肩而行。

探熱針

冇運行 余詠珊大力打壓 陳嘉桓衞志豪封殺鴛鴦

恃殼橫行的無綫綜藝科總監余詠珊,早前向大台幕後同事發出一份封殺名單,當中包括屬於樂易玲派的陳嘉桓,甚至禍及跟她秘密拍拖年多,和曾志偉十分老友的衞志豪,亦被叮出余派。

余詠珊用人唯親,一對苦命情侶,喺無綫難行!

曾志偉頭馬

大台三女頭目樂易玲、曾勵珍和余詠珊經過多番較技後,獲陳國強絕對信任的余詠珊明顯獨大,沾手藝員部甚至連製作也要差一腳,令一度跟她連線「招呼」樂大媽的曾勵珍,亦要與她化友為敵。

一二年回巢大台接掌何麗全綜藝科總監一職後,余詠珊招兵買馬,並對來自前娘家的有線人特別照顧,唯一例外,是今年四月才加入無綫的衞志豪。他並非由余詠珊邀過檔,反而是曾志偉和譚詠麟為他拉線。

「衞志豪係明星足球隊成員,係阿倫、志偉、阿叻嘅馬仔,佢哋唔方便出面傾嘅生意、投資,都會由衞志豪做代表搞掂,佢過無綫都係阿倫同志偉向陳國強推薦嘅;不過志偉同余詠珊反晒面,所以過咗無綫咁耐,除咗《世界盃》,佢都冇乜嘢做。」知情人說。

去年,仍未離巢的衞志豪幫有線到韓國拍旅遊節目時,與細自己十七年的陳嘉桓撻着,過去陳嘉桓本來頗受大台監製歡迎,常獲邀現身綜藝節目,自數月前她現身樂易玲生日派對,之後樂大媽對她極欣賞,陳嘉桓被判為樂派,加上男友衞志豪是志偉人,雪上加霜,大力打壓。

當晚有五個朋友掩護,衞志豪和陳嘉桓戀情夠晒保密。

揸晨曦老闆車

陳嘉桓登上衞志豪的平治離去,該車的車主是晨曦足球隊老闆周文曦,衞志豪識交朋結友。

陳嘉桓跟衞志豪有不少共同朋友,早前她將跟衞志豪等人的大合照放上 Instagram。

揸老細車拍拖

堅持低調戀情的苦命情侶,早前在五個朋友掩護下,前後腳離開銅鑼灣世貿中心,衞志豪十分警覺,沿途不斷周圍望,又刻意和女友保持幾個身位距離,直至行到橫街,二人才拍住行埋一齊,之後陳嘉桓坐上衞志豪的平治坐駕,一同離去。

據資料顯示,衞志豪當晚所揸的平治坐駕登記車主是晨曦足球隊老闆周文曦,老細車任用,衞志豪湊老細功夫,原來不下於余詠珊。

一二年余詠珊經曾志偉介紹認識陳國強,到無綫擔任綜藝科總監,一度關係友好。

阿倫、阿叻和陳國強是多年好友,至今仍不時飯聚,關係密切。

衞志豪轉投無綫,其實是由阿倫拉攏。

衞志豪和志偉甚老友,可惜亦因為志偉而被余詠珊打壓。

埋錯堆死快啲

大台高層人脈關係複雜,埋錯堆可能比冇埋堆死得更慘!



鍾意就快D Share啦!