掃呢頁CODE去手機

2014年11月19日 星期三

[FACE - 391 - 外地娛樂] 狂操 4年 搣甩 70磅 寶藍殺入 MAMA鬥 WINNER WINNER,寶藍,朴寶藍,MF,




5呎 5吋高,只得 100磅的朴寶藍,皮膚白滑配合一頭長金髮,簡直超索;但估唔到寶藍以前曾經肥過部電單車。

韓飯台

狂操 4年 搣甩 70磅 寶藍殺入 MAMA鬥 WINNER

K-pop一直被大堆頭組合霸佔地盤,搞到單飛歌手難以立足,今年例外, 2014爆得起的新人歌手,就是現年 20歲青春無敵的朴寶藍。

參加《 Super Star K2》歌唱比賽出身的朴寶藍,唔只唱得,一頭金髮,再加埋 fit爆身型,成為 K-pop界新一代女神。不過原來女神曾經係 170磅肥妹,為以最佳狀態出道,自動波減走 70磅肥肉,即由豬扒變索女。下月初,寶藍更殺入在香港舉行的「 MAMA頒獎典禮」角逐「最佳新人獎」,同 YG新寵 WINNER及 JYP新人王 GOT7砌過。

寶藍雖然係 2014觸目新人,但下月 3日在港舉行的《 MAMA頒獎禮》中,寶藍角逐「最佳新人獎」的票數,至上週五( 14日)為止,得票率只得 6.5%,輸俾 YG新寵 WINNER的 37.8%及 JYP新人王 GOT7的 36.9%,寶藍粉絲要發力

性格樂觀而且好玩得的寶藍,上綜藝節目時亦唔介意自嘲是一件「豬扒」。

朴寶藍 4年前喺《 Super Star K2》表現如何?

4年前參加《 Super Star K2》時,寶藍體重高達 170磅,重過苟芸慧,而且單眼皮,衣着更娘過師奶,完全冇星味。

今年 20歲的朴寶藍,其實是 4年前參加韓國最著名歌唱比賽《 Super Star K2》入行,雖然她在比賽中 8強止步,但因聲線成熟又有爆炸力,最後獲得 Mnet Media子公司 MMO娛樂賞識,簽約旗下。

4年前係 170磅肥妹,寶藍究竟點樣減肥?

雖然天生好歌喉,但寶藍深明娛樂圈好着重外貌,所以 4年前便的起心肝實行減肥計劃。首先從食物方面着手,一定要戒澱粉質食物,盡量多菜少肉,最重要是少食多餐,就算平時跟朋友及家人聚會,都忍口唔可以食得多。飲食調節固然重要,但亦要配合適當運動, 4年內寶藍一直堅持每日做兩小時運動,卒之由原本 170磅減至 100磅。雖然搣甩 70磅肉,但因有做運動,所以寶藍瘦得好健康。

寶藍減肥秘訣,離唔開戒食澱粉質食物,少食多餐及狂做運動,佢強調講就好簡單,但實行起來就好困難,少啲恆心都會半途而廢。

參賽之後 4年先出道,期間寶藍做過乜?

經 4年秘密練功,寶藍終於在 8月推出處女歌〈 Beautiful〉,還擠身各大流行榜十大之內。

除咗減肥及做運動,寶藍於 4年空白期內,一直有學舞台表演、樂器、作詞及作曲等,當然重心一定放在音樂上。寶藍等足 4年,今年 8月終於推出處女歌〈 Beautiful〉,由於首歌講出減肥經歷,為唔少肥妹帶來希望,所以〈 Beautiful〉在韓國大 hit,除打入各大流行榜十大,更殺入今屆「 MAMA頒獎禮」,同今年 YG力捧的男子組合 WINNER爭「最佳新人獎」。



鍾意就快D Share啦!