[FACE - 391] 代妹找數 阿妹撐佔中 內地堅封殺 G.E.M. 佔中,鄧紫棋,G.E.M.,G.E.M,政治時事,MF,

在內地爆紅後過去一年甚少回港， G.E.M.近日卻突然清閒，日日留家玩煮飯仔，上週又被本刊拍到約見營養師。

真面目

代妹找數　阿妹撐佔中　內地堅封殺 G.E.M.

三個學聯上京去，連機都上唔到，堂堂強國嘅量度？無謂畫公仔畫出腸！所以佔中啟動個幾月，娛樂圈夠膽撐起雨傘嘅真係冇乜幾個，北上搵銀係大勢，唔通同啲人仔過唔去咩？

上週強國網傳一份廣電局藝人黑名單，何詩、明哥上榜唔出奇，奇就奇在強國新寵 G.E.M.都有份，搞到即晚淚灑演唱會澄清。據知情人士透露，原來 G.E.M.出事都好無辜，事緣係早前 G.E.M.胞妹鄧依伶喺 fb發表一段撐佔中嘅文章。原來一個搵人仔，全家都受監視㗎！

其他影片：>>記招風波　經理人發火取消訪問　 G.E.M.呆晒補鑊：多啲包容
>>巡唱記招風波　 G.E.M.經理人：我都嬲！

自從去年初參加湖南衞視歌唱比賽節目《我是歌手 2》， G.E.M.突然在強國爆紅，微博粉絲人數由 100萬變 1,500萬，巡迴演唱會走勻全國加場再加場，狂擸半億人仔。事業重心移師強國，又曾經公開叫 CY加油，誰不知連「愛國愛港」 G.E.M.都出事，月初登上一份傳為廣電局內部傳閱的黑名單。

G.E.M.妹面書朋友不多，不過大半以黃絲帶做頭像，據悉 Elannie多次在私人面書撐佔中撐出鑊，搞到家姐被封殺。網卜圖片

G.E.M.妹就讀於 G.E.M.母校真光亦一樣愛唱歌，曾經接受本刊訪問話冇諗過入行，所以言行比家姐大膽得多。

G.E.M.妹剷 fb

雖然該名單最終沒有任何認可，不過上榜藝人個個小心，容祖兒即刪黃絲帶貼圖、 G.E.M.亦在當晚的南寧站巡迴個唱上灑淚表心跡：「清者自清。」

有傳向來言行「愛國」的 G.E.M.，是被胞妹鄧依伶所累，就讀 G.E.M.母校真光，現年 17歲的 Elannie，早前在面書曾轉發佔中消息，又曾撰寫一篇佔中文章，疑似被強國監察組織發現，呢個消息亦傳到唔少幫港星接國內 show嘅中介人耳中，據知 G.E.M.公司非常緊張，本刊查閱 G.E.M.妹的 fb，只剩下今年 7月以前的紀錄。

月初（ 7日）， G.E.M.失驚無神登上疑似黑名單，當晚在南京舉行巡迴個唱時表演激動，喊住話「清者自清」。網上圖片

年初參加強國真人騷《我是歌手 2》後， G.E.M.在強國人氣暴升，微博粉絲亦由一百萬直升近日至逼近一千五百萬。

事後 G.E.M.（左下圖）在微博發布巡唱未來安排澄清未被封殺，經理人張丹（右）亦表示純屬謠言，已接的內地商演、電視台節目不受影響，不過之後點就要慢慢睇。

網上圖片

密會鬼仔 dancer

話冇影響，但事實上 G.E.M.又真係多咗好多時間留港。週日(16日)下午三時， G.E.M.喺屋企乘七人車出發到北角，到達艇街一座大廈外停車， G.E.M.仲同一位高大鬼仔一齊落車，一路行一路有講有笑；逗留一個多小時後， G.E.M.就自己離開再坐七人車到中環。發現記者後， G.E.M.主動說︰「佢係幫我跳舞嘅 dancer，我哋頭先去 family church，佢都係教友，順路車埋佢啫，𠵱家趕住去見營養師，我要見 3個營養師呀。」

週一，本刊記者致電經理人張丹，他亦否認封殺傳聞，他說：「佢個妹個 facebook我冇留意、唔清楚，不過封殺個傳聞就唔係真，總之所有巡迴演唱會、商演同上節目都程序照舊，冇受影響，同埋嚟緊都會上內地電視台節目囉！」是真是假，真係要時間證明，學佢閨蜜李蘊話齋， G.E.M.接落嘅 job都夠食半年

經理人謂 G.E.M.身邊出現的俊俏鬼仔是演唱會 dancer，不過 dancer為乜陪 G.E.M.去見營養師就難解釋。

對於近日留港多過北上，張丹亦表示是為年終舉行的巡迴演唱會作準備，所以每日與老外監製、 dancer為伍。

人人自危

佔中個多月，歌手藝人無論立場喺邊，多數玩沉默唔敢表態。無他嘅，強國鍾意玩封殺，強國網民又郁啲愛話罷聽罷睇，唔係人人夠薑承受後果。

容祖兒淆底

9.28後曾經 post黃絲相� d警方過度武力，封殺名單即使未經證實，祖兒已經即晚刪除黃絲相，暗自淆底。

謝安琪斷正

唱過〈雞蛋與羔羊〉，又落金鐘撐過學生，傳出被封殺後 Kay回應唔擔心：「工作受阻，可以騰出空間俾其他人。」

杜汶澤淡定

《蘋果日報》圖片

一早唔玩微博、去年支持台灣台陽花運動時已經擺明同內地網民對立，新片《非法操作》被換角，阿澤最淡定：「習以為常。」

鍾意就快D Share啦！

下一篇 》