全城熱爆的娛樂八封新聞 & 時事趣聞 & 生活 + 趣聞
升咗男一嘅黃德斌連待遇都唔同啲，明明雙手得閒，都有專人幫手攝咪。#男一#大隻斌
大台小生花旦走得就走，有人離開自然要搵人補位。喺大台由茄喱啡做起嘅 51歲黃德斌，捱足 26年終嚐男一滋味。 喺新劇《當鐵馬遇上戰車》孭飛擔正，黃金機會突然出現眼前，黃德斌一樣謙㗎！上週四（ 13日）雖然只拍一場簡單戲，但黃德斌都份外緊張，晨早到場同導演傾劇本。老戲骨見慣風浪，突然升呢仍然低調。他說：「蔣志光夠唔係男一啦，佢夠多人講啦。係咪男一冇所謂，就算得一場戲都要做好㗎！」
黃德斌（ 51歲）年過半百，真係生得蔡思貝（ 23歲）出，好在德斌 keep得好，二人望落都算襯喎！
黃德斌喺無綫 26年，同一眾幕後關係甚好，今次「紮職」做男一，唔少幕後都戥佢高興。#人緣好#首次擔正
身材出名好嘅蔡思貝，着套貼身交通警服都有難度，要唞大氣搵埋服裝姐姐幫手先「攝」到衫，認真誇張。#蔡思貝#劇接劇
為咗做好騎警，黃德斌早前仲考牌學揸電單車。他說：「唔想用替身囉，自己親身上陣好睇好多。」#考牌#騎警
黃德斌早前拍《再戰明天》都仲係男三，戲分排喺吳啟華、王浩信之後，估唔到今日孭重飛做男一。
新劇仲有袁偉豪（左一）、唐詩詠（左二）。男一黃德斌話：「睇到時出街先啦，你哋話我男一啫，到時可能唔係呢，哈哈！」
