[FACE - 391] 快上岸 老闆娘上身 林莉槽肥等嫁 林莉,MF,

'14

上週三（ 12日）接受電台訪問嘅林莉，一對長腿明顯較以前粗壯，唔通喺法國太多好嘢食？《蘋果日報》圖片

真面目

快上岸　老闆娘上身　林莉槽肥等嫁

自稱簽了法國模特兒公司的前港姐林莉，早前到當地工作 3個月，浸鹹水升呢。

34歲唔後生，捱足多年的林莉最近由法國返港，突然自爆隨時閃婚嫁人！據知林莉同拍拖多年的經理人男友 Bolie（黃偉雄）感情穩定，現時已經升上神枱，在男友的經理人公司儼如老闆娘一樣，呼風喚雨！就快做人妻，唔怪得冇見一排的林莉，連對搵食索腿都懶得 keep

'11

呢對 44吋長腿，曾經係林莉嘅標記。《蘋果日報》圖片

同林莉拍拖多年的 Bolie，與朋友開設經理人公司 VIP Artist Management，雖然貴為老闆，不過報住地址係葵涌公屋安蔭邨，而且冇樓又冇車，不時上女友位於深井海雲軒的家過夜。

「我接受閃婚！」

男友冇米，但林莉依然長情，唔介意一齊捱。早前到法國工作 3個月，經理人男友亦陪到實，但奇在咁多個月都冇公布過簽了邊間公司，微博亦冇放任何在當地的工作相或生活照。上週三（ 12日）返港接受訪問時，對 44吋長腿粗了一個碼的林莉，突然自爆隨時閃婚，「我唔鍾意鬼佬，好傳統鍾意中國男仔多啲。其實我可以接受閃婚，可以冇計劃下就進入另一階段！」

派晒定心丸， Bolie亦相當信任女友。據知林莉在男友的經理人公司地位超然，成個老闆娘一樣可以自己話事。難得大家咁信對方，睇嚟林莉好快做黃太喇！

男友 Bolie

林莉同經理人 Bolie的關係已屬半公開，兩人更多次被影到一齊返回深井愛巢。

長期留喺法國嘅林莉（右一），對上一次公開活動已經係今年 2月嘅「太陽臻薈」酒會，同場仲有洗米華（左一）同 Mandy Lieu（右二）。《蘋果日報》圖片

身兼經理人及男友， Bolie名正言順陪實林莉開工。《蘋果日報》圖片

暫別香港模界嘅林莉，微博已經成年幾冇更新。

鍾意就快D Share啦！

下一篇 》